Sý tasqyny kezinde aq aıý torynan shyǵyp, qashyp ketti
ASTANA. 21 maýsym. QazAqparat - Amerıkanyń soltústigindegi Mınessota shtatynda oryn alǵan sý tasqynynyń saldarynan haıýanattar baǵyn sý basty, birneshe janýar óldi.
Jergilikti bılik ókilderine silteme jasap habarlaǵan Reuters agenttiginiń jazýynsha, birneshe janýar - Berlın esimdi aq aıý men eki ıtbalyq ózderiniń torlarynan shyǵyp, qashyp ketken.
Nóserli jańbyrdyń saldarynan bolǵan tasqyn kóshkinge alyp keldi, Dýlýt qalasynda, ózenniń jaǵasynda ornalasqan ondaǵan úılerdiń turǵyndary qaýipsiz aımaqqa kóshirildi.
Haıýanattar baǵynyń qyzmetkeri málim etkendeı, mekeme aýmaǵynyń jartysyn sý basty. Esek, qoı, eshkilerdi qutqarýǵa múmkindik bolǵan joq. Qashyp ketken jaýarlar kóp uzamaı tabyldy, olarǵa karantın jarııalandy.
