Sý tasqyny: Glýbokoe aýdanynda 1 mamyrǵa deıin barlyq úıler jóndeledi
ASTANA. QazAqparat - Búgin Shyǵys Qazaqstan oblysynyń ákimi kezekti ret Glýbokoe aýdanynda qarǵyn sýdan zardap shekken eldi mekenderge at basyn tiredi. Komıssııa sheshimi boıynsha aýdanda 10 úı turýǵa jaramsyz dep tanylǵan. Qalǵandarynda kúrdeli jáne aǵymdaǵy jóndeý jumystary bastaldy.
Bul týraly ShQO ákimdiginiń baspasóz qyzmeti habarlady.
Aımaq basshysynyń aıtýynsha, qalpyna keltirý jumystary mamyrdyń birine deıin tolyq aıaqtalady.
Glýbokoe aýdanynda tótenshe jaǵdaı turaqtalyp qaldy. 626 adam úılerine oralyp, qazirgi ýaqytta Beloýsovka kentiniń 17 turǵyny ǵana evakýatsııa beketinde turyp jatyr. 184 úıge tehnıkalyq zertteý júrgizilip, baǵalaý jáne keltirilgen shyǵyndy óteý boıynsha 169 qujat qabyldandy. Zardap shekken turǵyndardan aryz alý jáne jyljymaıtyn múlikti baǵalaý jumysy áli de jalǵasyp jatyr.
«70 úıdi resimdeý jumystary aldaǵy senbi kúni aıaqtalyp, turǵyndarǵa beriledi. 143 úıdi jóndeımiz. Búginde 72 baspanany qalpyna keltirý isi bastalyp ta ketti. Aıta ketý kerek, mamandar bilikti, óz isiniń sheberleri. Barlyq jumys osy aıdyń aıaǵyna deıin bitýi tıis. Osylaısha, adamdardyń aldyndaǵy qarǵyn sý zalalyn joıý boıynsha jumystary bitedi. 1 mamyrda osy naýqan tolyq aıaqtalatynyna senimdimin», - dedi ShQO ákimi Danıal Ahmetov.
Aımaq basshysy Progress, Predgornoe aýyldary men Beloýsovka kentindegi jóndeý jumystary bastalǵan birqatar úılerdi aralap kórdi. Ielerimen kezdesip, istiń barysy men sapasyn saralady. Jalpy úılerdegi TJ saldaryn joıý úshin 6 iri qurylys kompanııasy jumyldyrylǵan. Atap aıtqanda, «Elhon», «TehnoGrýpp», «Dja-Kar Stroıservıs», «VostokVzryvprom». «Optıma stroısÝK» men «Remstroıservıs 1994».
Danıal Ahmetov, sondaı-aq, Glýbochanka jáne Krasnoıarka ózenderi boıyna qaıta jasalǵan dambalardy da kórdi. Jalpy oblys boıynsha jóndeý, qalpyna keltirý jumystary jalǵasýda.
Zyrıan aýdanynda 29 úıden sý sorý jumystary júrgizilýde.
