Sý tasqyny: Elorda irgesindegi Qoıandy kentindegi jaǵdaı turaqtandy
KÓKShETAÝ. QazAqparat - Tselınograd aýdanynyń Qoıandy aýylynda Aqmola, Pavlodar oblystarynyń jáne Nur-Sultan qalasynyń qutqarýshylary, sondaı-aq jergilikti atqarýshy organdardyń qyzmetkerleri erigen qar sýyn sorý boıynsha apattyq-qutqarý jumystaryn júrgizýde, dep habarlaıdy QazAqparat tilshisi.
Aqmola oblystyq TJD baspasóz qyzmetiniń málimetinshe, qutqarýshylar táýlik boıy jumys isteýde. Osynyń nátıjesind Qoıandy aýylynda sý tasqyny jaǵdaıy turaqtaldy.
«Qazirgi tańda apattyq-qutqarý jumystaryna 50 adam, 12 tehnıka jáne 10 motopompa jumyldyryldy. Sonymen qatar, Tselınograd aýdanynyń Talapker, Qaraótkel, Araıly, Qarajar, Qyzyljar, Aqmol, Qosshy, Qabanbaı batyr, Qosshy, Qyzylsýat jáne Jarlykól kentterinde de erigen qar sýyn sorý jumystary qolǵa alynyp otyr», - dedi vedomstvodan.
Qoıandy aýylynda aǵymdaǵy jyldyń 5 sáýirinen bastap 750763 tekshe metr erigen qar sý soryldy, sondaı-aq, 5200 metr sý burý arnalary men aryqtary tazartyldy.
Eske salsaq, buǵan deıin elorda mańyndaǵy Qoıandy kentindegi úılerdi sý basqany týraly buǵan deıin habarlaǵan bolatynbyz.
