Sý tasqyny bolǵan aımaqqa Shymkentten sý sorǵysh tehnıkalar jóneltildi

ShYMKENT. QazAqparat – Sý tasqyny bolǵan Maqtaaral aýdanynda zardap shekkenderge Shymkenttiń qutqarýshylary kómek kórsetip jatyr. Endi sol aımaqqa qosymsha sý sorǵysh tehnıkalar jóneltildi, dep habarlaıdy QazAqparat tilshisi.

Kómekke jiberilgen tehnıkalardyń ishinde ASO 20, ATs – 2, ÝAZ markaly 4 tehnıka, MP-100 markaly 6 motosorǵy bar. Sý basqan aımaqqa kómek qolyn sozý úshin 40 adamnan quralǵan jeke quram men 8 tehnıka, dron men motorly jáne úrleme qaıyqtar jetkizildi. Sońǵy tórt kún ishinde qutqarýshylar aýdandaǵy sý basqan eldimekenderde 70 adamdy, olardyń múlikterin qaýipsiz jerge evakýatsııalady. Sýda qalǵan maldy basqa aýyldarǵa aıdady. Tasqyn sý jaıylǵan aýmaqta ınjenerlik jumystardy júrgizý úshin 30 arnaıy tehnıka jiberilgen.

Aıta keteıik, Úkimet otyrysynda Túrkistan oblysynyń ákimi Ómirzaq Shókeev tótenshe jaǵdaı qalyptasqan aımaqqa sý sorǵysh tehnıkalary asa qajettigin aıtqan bolatyn.