Sý tasqyny: Batys Qazaqstannyń Báıterek aýdanynda tótenshe jaǵdaı jarııalandy
Báıterek aýdany ákimdiginen túsken málimetke qaraǵanda, aýa raıynyń kúrt jylynyp, qardyń qarqyndy erýine baılanysty ózen sýlary kóterildi. Sýdyń sińbeı, jaıylyp ketýine jerdegi tońnyń tereń bolýy da áser etti.
Sonyń saldarynan kóptegen turǵynnyń úılerine sý kirý qaýpi tóndi. Eldi mekender arasynda jol qatynasy buzyldy. Mysaly, Shalǵaı aýyldyq okrýginde tasqyn sý joldy shaıyp ketti. Sonymen qatar Dostyq, Darııan aýyldarynda sý uńǵymalaryna topan sý kirip, osy eldi mekenderde turatyn 3 500-den astam adamnyń taza aýyz alýy kúrdelendi.
Osyndaı kúrdeli jaǵdaıdy eskere otyryp, aýdan ákimi Marat Toqjanov aýdan aýmaǵynda jergilikti aýqymdaǵy tabıǵı sıpattaǵy tótenshe jaǵdaı jarııalaý týraly sheshim qabyldady.
Qazirgi kezde osy sheshimge sáıkes tıisti is-sharalar atqarylýda.
Eske sala keteıik, budan buryn Batys Qazaqstan oblysyndaǵy Bórli aýdanynda tótenshe jaǵdaı jarııalanǵanyn jazǵan bolatynbyz.
Sondaı-aq Oral qalasynda tótenshe jaǵdaı jarııalandy.
BQO-nyń taǵy bir aýdanynda tótenshe jaǵdaı jarııalandy.
Batys Qazaqstanda aýylǵa sý kirip, 44 adam evakýatsııalandy.
BQO-da respýblıkalyq joldy sý shaıyp ketti.
BQO-da sý shaıyp ketýine baılanysty taǵy bir respýblıkalyq jol jabyldy.