Sý tasqyny: Atbasardyń máselesi tolyǵymen sheshiledi
ASTANA. QazAqparat - QR Іshki ister vıtse-mınıstri ıÝrıı Ilın sý basý qaýpi bar aımaqtardy atady, dep xabarlaıdy QazAqparat tilshisi.
«Endi, dál qazir Batys Qazaqstan, Shyǵys Qazaqstan, Qaraǵandy men Aqmola oblystary erekshe baqylaýǵa alyndy. Máselen, Aqmola oblysynda Atbasardy bárimiz jaqsy bilemiz. Biz ol jaqta qosymsha oqý-jattyǵýlardy ótkizdik. Al ákimdik jergilikti jáne respýblıkalyq bıýdjettiń esebinen xalyqty qaýipsiz jerge kóshirý baǵdarlamasyn iske asyryp jatyr. Máselen, osy ýaqytqa deıin 400-den astam úıdiń ıeleri jańa páterge kóshti. Baǵdarlama aıasynda 11 kópqabatty úı salyndy. Osy saladaǵy jumystar bıyl da, kelesi jyly da jalǵasady. Menińshe, kelesi jyly Atbasardyń máselesi tolyǵymen sheshiledi», - dedi ıÝ.Ilın Astanada ótken baspasóz máslıxatynda.
Aıta keteıik, búgin «Qazgıdromet» RMK-sy da sý tasqynyna qatysty boljamdy jarııalady. Mekeme basshysy Marat Kynatovtyń aıtýynsha, búginde birqatar oblystarda sý kólemi artyǵymen jınalyp qaldy. Atap aıtqanda, Qaraǵandy oblysynda Nura men Keńgir ózenderinde, Aqmola oblysynda Esil men Shaǵalyda, Soltústik Qazaqsanda Esil ózeninde, Qostanaı oblysynda Toǵyzaq pen Torǵaıda, Aqtóbe oblysynda Qosistekte, sondaı-aq, Batys Qazaqstanda Ýtva, Chıja-2, Derqul men Shaǵan ózenderinde sýdyń normasy 120-170 protsentke artyq bolyp tur.
«Ásirese, Batys Qazaqstan erekshe baqylaýǵa alyndy. Ol jaqta sýdyń jınalý kólemi normadan eki esege artyq, al ótken eki jylmen salystyrǵanda eki-úsh esege kóp bolyp tur», - deıdi M.Kynatov.
