Sý tasqyny 5 oblysta 400-den astam úıdi apatty jaǵdaıǵa soqtyrdy - Tótenshe jaǵdaılar komıteti (FOTO)
ASTANA. QazAqparat - Sý tasqyny Aqmola, Shyǵys Qazaqstan, Qaraǵandy, Pavlodar jáne Soltústik Qazaqstan oblystarynda 7 qalany jáne 28 aýdandaǵy 88 eldi mekenderdi jáne Astana qalasynyń mańyndaǵy aýyldardy sý ketirdi,. Bul týraly QR ІІM Tótenshe jaǵdaılar komıtetiniń baspasóz qyzmeti habarlady.
Sý basý aımaǵyna 3067 úı ushyrady, búginde 2941 úıden sý ketti, Aqmola oblysynda 126 úı sý astynda qalyp otyr.
Qutqarý qurylymdary barlyq jerde tasqynǵa qarsy sharalar júrgizdi. Aqmola oblysynda úılerden, jertólelerden jáne aýla aýmaqtarynan 686,3 myń tekshe metr sý soryp alyndy, 203 aýla tazartyldy jáne 277 tonna qoqys shyǵaryldy. Oblysta barlyǵy 346 úı sýǵa ketti.
Qaraǵandy oblysynda sý basqan eldi mekenderden 162,7 myń tekshe metr erigen sý soryp alyndy, 2 121 aýla tazartyldy jáne 14,3 myń tonna qoqys shyǵaryldy. Oblysta sý tasqyny kezeńinde 2 121 úıdi sý basty.
Shyǵys Qazaqstan oblysynda 463 úıdi sý basty, 2 213 aýla men kósheler tazartyldy, 1 860 tonna qoqys shyǵaryldy. Ortaq kúsh-jigermen úılerden, jertólelerden jáne aýlalar aýmaǵynan 401,7 myń tekshe metr sý soryp alyndy.
Tutastaı alǵanda 5 oblysta 4 537 aýla aýmaqtary tazartyldy jáne 16,4 myń tonna qoqys shyǵaryldy. Barlyǵy 3 043 myń sharshy metr tasqyn sý soryp alyndy.
Sonymen qatar 602 zardap shekkenderge qajetti medıtsınalyq kómek kórsetildi, 863 turǵynǵa psıhologııalyq kómek berildi. Sý tasqyny kezinde 8 281 adam úsh mezgil ystyq taǵammen qamtamasyz etildi.
Qazirgi kezde 2880 úı tekserildi. Turǵyn úılerdi qaraý, onyń ishinde 78 úıge aǵymdaǵy jóndeý qajet ekenin kórsetti. Qazirgi kezde olardyń 25-i jóndeldi. Taǵy 281 úıge kúrdeli jóndeý júrgizý qajet. Tasqyn sý 198 úıdi búldirdi, 441 úı apatty jaǵdaıda, 463 úı buzýǵa jatady. Qazirdiń ózinde 11 úıdi qalpyna keltirý jumystary bastalyp ketti, 15 jańa úıdiń qurylysy bastaldy.
Sý tasqynyna qarsy sharalar kommýnıkatsııalardy qalpyna keltirý jaǵynan da júrgizilýde. Telefon baılanysynan aıyrylǵan 1971 abonenttiń 1 482-si qalpyna keltirildi. Sondaı-aq 6 289 abonenttiń 5 992-sin elektrmen jabdyqtaý qalpyna keltirildi. Sonymen qatar 59 metr ortalyq sýmen jabdyqtaý jelisi buzylǵan bolatyn, búgingi tańda olardyń 56 metri qalpyna keltirildi.
19 647 turǵynǵa kıim, aıaq kıim, azyq-túlik taǵamdary, 334,5 tonna kólemindegi turmystyq kerek-jaraqtar túrinde gýmanıtarlyq kómek kórsetildi.
