Sý tasqyny-2022: Qaraǵandylyq qutqarýshylar táýlik boıy jumys isteýde
Mamandardyń pikirinshe, aımaqtaǵy sý tasqyny jaǵdaıy naýryz aıynyń sońynda qatty jaýyn-shashynmen jáne temperatýranyń kúrt kóterilýimen baılanysty. 31 naýryz ben 4 sáýir aralyǵynda TJ departamentiniń oblystyq sý tasqynyna qarsy shtabyna aýla aýmaqtaryn sý basý qaýpi týraly 125 habarlama, sondaı-aq avtojoldarda sý tasqyny boıynsha 18 habarlama kelip tústi.
Oblystyq TJD basshysy Murat Qatpanov Óńirlik kommýnıkatsııalar qyzmetinde ótken onlaın-brıfıngte sý tasqynynyń saldaryn joıý sharalary týraly habarlady.
«Aýlalardy sý basýdyń barlyq jaǵdaılary boıynsha sýdy sorý jáne burý, aryqtar men kanaldardy tazartý, ınertti materıaldardy tógý jáne qaptar tóseý boıynsha jumystar júrgizildi. Sý tasqyny bastalǵannan beri 31 693 tekshe metr sý sorylyp, 1700 metr aryq tazartyldy. Sý basý qaýpiniń 11 jaǵdaıy baqylaýda, onyń toǵyzy Qaraǵandyda jáne ekeýi Buqar Jyraý aýdanynda», – dedi Murat Katpanov.
Sondaı-aq, avtojoldar arqyly sý tasqyny jedel joıylady. Oblys joldaryndaǵy eki ýchaske – Búrkitti – Egindibulaq – Qoıandy jáne Temirtaý – Qyzylqaıyń (Chkalova – Berıaznıkı) basty nazarda. Qoıandy aýylynan 12 shaqyrym jerde kólik qozǵalysy barlyq kólik túrleri úshin jabyq.
Qutqarýshylar Nura, Esen, Jarly, Sabyr-Qoja, Jamankól ózenderinde jáne Qarasor kólinde 14 jarylys jumystaryn júrgizdi. Іri sý qoımalarynan aǵyzý jalǵasýda.
Sý tasqynyna qarsy kúreske 250-den astam adam jáne 106 birlik tehnıka jumyldyryldy.
Qutqarýshylar eskertedi: 4-11 sáýir aralyǵynda oblystyń barlyq aýmaǵynda temperatýra kóteriledi, al 6-7 sáýirde jańbyr jaýady. Turǵyndar óz aýmaqtarynda aldyn alý sharalaryn júrgizýi kerek. Aryqtar men aýlalardy qardan tazartý.
Qaraǵandy oblysy ákiminiń orynbasary Vadım Basın turǵyndardan balalarǵa erekshe nazar aýdarýdy surady.
«Barlyq ata-analardan balalardyń úıden shyǵýyn, qar erýi aıaqtalǵanǵa deıin qaraýsyz júrýin shekteýdi suraımyn. Olardy sýdyń janynda oınaýǵa qatań tyıym salý qajet. Qalada jáne barlyq eldi mekenderde kóptegen arnalar bar, olardyń maqsaty boıynsha olar árqashan ashyq. Qazir olar sýǵa toly», – dedi Vadım Basın.
Qazirgi ýaqytta oblystyń barlyq aýdandaryndaǵy sý tasqyny qaýpi bar 158 eldi meken baqylaýǵa alyndy.
Tótenshe jaǵdaılar qaýpi tóngen nemese týyndaǵan jaǵdaıda qaraǵandylyqtardan 112 nemese (8-7212) 43-36-36, 43-37-37 telefonyna qońyraý shalýdy suraıdy.
