Sý tasqynynyń ekinshi tolqyny qashan kútiledi – TJM jaýaby
ASTANA. KAZINFORM – Qazaqstanda sý tasqynynyń kelesi kezeńi mamyr aıynyń ortasy men sońyna qaraı boljanyp otyr. Bul týraly QR TJM Tótenshe jaǵdaılardyń aldyn alý komıteti tóraǵasynyń orynbasary Áset Jylqaıdarov aıtty.
Onyń aıtýynsha, qazirgi ýaqytta eldegi gıdrologııalyq ahýal turaqty, degenmen birqatar óńirdegi jaǵdaı baqylaýǵa alynǵan.
– Sý deńgeıiniń eń joǵary kórsetkishi Aqmola men Soltústik Qazaqstan oblystarynyń shekarasyna sáıkes kelip otyr. Alaıda qaýipti deńgeıden asý faktileri tirkelgen joq. Aqmola óńirindegi shaǵyn ózenderdiń sýy negizgi arna – Esil ózenine quıyp, ol ári qaraı Soltústik Qazaqstan arqyly Reseıge baǵyt alýda, - dedi ol.
Sonymen birge ol Shyǵys Qazaqstan oblysynyń taýly bóliginde qar qory áli de joǵary ekenin atap ótti.
– Taýly aýmaqtarda qar qory shamamen 52% deńgeıinde saqtalǵan. Osy faktorlardy eskere otyryp, sý tasqynynyń ekinshi kezeńi mamyr aıynyń ortasy men sońynda bolýy múmkin. Jergilikti atqarýshy organdar men azamattyq qorǵaý qyzmetteri jaǵdaıdy tolyq baqylaýda ustap otyr, - dedi Áset Jylqaıdarov.
Aıta keteıik, buǵan deıin TJM eldiń úsh óńirinde sý tasqyny qaýpi saqtalyp otyrǵanyn habarlaǵan edi.