Sý tasqynynyń aldyn alý boıynsha óńirlerde qandaı sharalar jasalyp jatyr
ASTANA. KAZINFORM – 13 óńirde sý tasqyny saldarynyń aldyn alý úshin gıdrotehnıkalyq qurylystardy jóndeý boıynsha 43 is-shara iske asyryldy. Bul týraly Sý resýrstary jáne ırrıgatsııa mınıstrliginiń baspasóz qyzmeti habarlady.

Sý tasqyny kezeńine daıyndyq aıasynda, Sý resýrstary jáne ırrıgatsııa mınıstrligi bekitken josparǵa sáıkes, 13 óńirdegi gıdrotehnıkalyq qurylystarda sý tasqyny saldarynyń aldyn alýǵa baǵyttalǵan 43 is-shara júzege asyryldy.
Atap aıtqanda, Aqmola, Aqtóbe, Atyraý, Shyǵys Qazaqstan, Jambyl, Batys Qazaqstan, Qaraǵandy, Qostanaı, Qyzylorda, Soltústik Qazaqstan, Túrkistan, Abaı jáne Jetisý oblystarynda jumystar júrgizildi.
— Josparǵa gıdrotehnıkalyq qurylystardy aǵymdaǵy jóndeý, kanaldardy tazartý jáne jaǵalaý nyǵaıtý jumystary kirdi. Mysaly, Aqmola oblysynda Shaǵalaly jáne Sileti sý qoımalary, sondaı-aq «Alva» lımandyq sýarý júıesi jóndeýden ótti. Abaı oblysynda Shar sý qoımasynyń qorǵanys bógeti salyndy. Soltústik Qazaqstan oblysynda Sergeev gıdrotorabynda jaǵalaý nyǵaıtý jumystary júrgizildi, — dedi Sý resýrstary jáne ırrıgatsııa vıtse-mınıstri Erbolat Ibraıhanov.
Aıta ketelik Bozymbaev Qulsary, Atyraý jáne Aqtóbe oblystaryndaǵy qaýipti aımaqtardy teksergen edi.