Sý tasqynynan japa shekken 66,4 myń adam kredıtin úsh aı tólemeıtin boldy
ASTANA. KAZINFORM — Qarjy naryǵyn retteý jáne damytý agenttigi sý tasqynynan zardap shekken halyqtyń kredıtin tóleý merzimin shegerdi.
Kredıt boıynsha tólem merzimin keıinge qaldyrý múmkindigi jergilikti atqarýshy organdardyń tizimderine sáıkes sý tasqynynan zardap shekkenderge jatqyzylǵan azamattarǵa, shaǵyn jáne orta bıznes sýbektilerine beriledi.
Sondaı-aq, bankter men MQU azamattardyń kredıtterdi qaıta qurylymdaýǵa ótinishterdi derbes túrde qashyqtan berýine arnalǵan onlaın-servısterdi iske asyrdy.
Tólem merzimin keıinge qaldyrý tólemdi 3 aı merzimine (1 sáýirden bastap 30 maýsymǵa deıin) toqtata turý arqyly usynylady, bul ýaqytta aıyppul men ósimpul eseptelmeıdi.
Búgingi kúni tólem merzimin keıinge qaldyrý 49,6 mlrd teńge somasyna kredıti bar zardap shekken 66,4 myń azamatqa berildi.
Bıznes sýbektilerine qatysty bankter men MQU sý tasqynynyń qaryz alýshynyń qarjylyq jáne sharýashylyq qyzmetine áserine jeke taldaý júrgizedi.
Búgingi kúni kredıttik uıymdarǵa zardap shekken 581 bıznes sýbektisine qatysty málimet berildi.
Onyń ishinde 1,8 mlrd teńge somasyna kredıt boıynsha jıyntyq bereshegi bar 68 qaryz alýshynyń tólem merzimi keıinge qaldy.
Qalǵan zardap shekken bıznes sýbektileri boıynsha tólem merzimin keıinge qaldyrý týraly sheshim belgilengen tártippen qabyldanady.
Agenttik bankterdiń jáne MQU-nyń sý tasqynynan zardap shekken halyq pen bıznestiń kredıtteri boıynsha tólem merzimin keıinge qaldyrý monıtorıngin jalǵastyrady.
