Sý tasqynynan zardap shekkenderge shıpajaılardan 186 oryn bólindi
ASTANA. KAZINFORM – Qazaqstannyń Kásipodaqtar federatsııasy sý tasqynyna ushyraǵan óńir turǵyndaryna shıpajaılardan oryn bóldi. Bul týraly federatsııanyń tóraǵasy Satybaldy Dáýletalın málim etti.
«Elimiz sý tasqynymen kúresýde. Biz sabyr tanytyp, yntymaqta apat saldaryn joıýǵa tyrysyp jatyrmyz. Tótenshe jaǵdaıda bizdiń kásipodaq eriktilerdi tartyp, gýmanıtarlyq jáne qarjylaı kómek berip jatyr. Qazirgi tańda Kásipodaqtar federatsııasynyń 7 shıpajaıynda 186 oryn bólinip otyr. Qazir sý basqan óńirlerdiń turǵyndaryn ornalastyryp jatyrmyz. Osyndaı qıyn sátte el bolyp, asarlatyp, zardap shekkenderge kómektsýge shaqyramyz. Shýaqty kúnder aldymyzda, onyń keletini kúmánsiz», - dedi Satybaldy Dáýletalın forým barysynda.
Aıta keteıik, búgin Astanada «Eńbek salasyndaǵy áıelder: Jańa sheshimder ýaqyty» atty Qazaqstan eńbekshi áıelderiniń І forýmy ótip jatyr. Sharany Qazaqstannyń kásipodaqtar federatsııasy uıymdastyrýda, oǵan Halyqaralyq eńbek uıymy, BUU, Májilis depýtattary, Eńbek jáne halyqty áleýmettik qorǵaý mınıstrliginiń ókilderi jáne eńbek áıelderi qatysýda.
