Sý tasqynynan zardap shekkender memleketten qandaı kómek alady
ASTANA. KAZINFORM – Úkimettiń baspasóz qyzmeti sý tasqynynan zardap shekken azamattar memleketten qandaı kómek túrlerine qol jetkize alatynyn túsindirdi.
1. Materıaldyq kómek:
· 100 AEK mólsherinde birjolǵy ótemaqy tóleý (ákimdikke habarlasý qajet);
· joǵalǵan jáne/nemese búlingen múliktiń ótemaqysy (ákimdikke habarlasý qajet);
· sý tasqynynan zardap shekkender sanatyna jatqyzylǵan barlyq azamatqa kredıtter boıynsha tólemder 3 aıǵa, ıaǵnı 2024 jyldyń 1 sáýirinen bastap 30 maýsymǵa deıin avtomatty túrde keıinge qaldyrylady (ákimdikke nemese bankke tikeleı habarlasý qajet. Bankter onlaın ótinim berý múmkindigin iske qosty );
· zardap shekken azamattardyń kredıtteri boıynsha sý tasqynynyń saldaryna baılanysty tólemderdi keshiktirgeni úshin aıyppuldar men ósimpuldar salynbaıdy (ákimdikke nemese bankke tikeleı habarlasý qajet);
· sý tasqynynyń saldarynan kásipteri shyǵynǵa ushyraǵan barlyq zardap shekken jeke kásipkerge, sondaı-aq shaǵyn jáne orta bıznes sýbektilerine kredıtter boıynsha tólemder olar bergen ótinishtiń negizinde keıinge qaldyrylady (ákimdikke nemese bankke tikeleı habarlasý qajet);
· kredıttik uıymdardyń resmı saıttary men áleýmettik jelilerdegi akkaýnttarynda tıisti ótinishterdi berýdiń naqty algorıtmderi jáne kredıtterdi qaıta qurylymdaýdyń tártibi jarııalanady. Qaryz alýshylardyń banktermen jáne MQU-men ózara is-qımyl protsesin jeńildetý úshin qashyqtan ótinish berý servısi iske asyrylady.
2. Turǵyn úımen qamtamasyz etý:
sý tasqynynan zardap shekkender qıraǵan baspananyń ornyna daıyn úı satyp alýǵa nemese jańa turǵyn úı salýǵa qol jetkize alady (ákimdikke habarlasý qajet);
Eger múlik qalpyna keltirýge jaramdy bolsa, onda JAO-nyń merdigerlik uıymdarymen nemese múlik ıesiniń óz kúshimen jóndeý jumystaryn qarjylandyrý kózdelgen (ákimdikke habarlasý qajet).
3. Aýyl sharýashylyǵy:
· Sý tasqyny saldarynan mal basyn joǵaltqan azamattarǵa shyǵyndy óteý. Ótemaqy mólsherin naryqtyq derekter negizinde zalaldy anyqtaý jónindegi óńirlik komıssııa aıqyndaıtyn bolady;
· Úkimet sharýalar men mal ıelerine kredıtter men lızıngtik mindettemelerdi óteýdi keıinge qaldyrý arqyly qosymsha járdem kórsetetin bolady. Tólemder keshiktirilgen jaǵdaıda olarǵa aıyppuldar salynbaıdy;
· Tólemdi keıinge qaldyrý shartymen mal ıeleriniń ótinimderine sáıkes «Azyq-túlik korporatsııasynan» jemshópti jetkizý jóninde. Tıisti ótinimderdi resmı túrde «Azyq-túlik korporatsııasyna» nemese ákimdikter arqyly joldaýǵa bolady.
4. Shaǵyn jáne orta bızneske keltirilgen zııandy óteý:
· Sý tasqynynan zardap shekken ShOB sýbektilerine keltirilgen zııandy óteý tártibi ázirlendi,(jaqyn arada qabyldanady);
· Shyǵyndardy óteýge joǵalǵan múliktiń (ǵımarattar, qurylystar, jabdyqtar), taýarlyq-materıaldyq qundylyqtar,, zaqymdanǵan ǵımarattar men qurylystardy qalpyna keltirý jumystarynyń quny kiredi;
· Tólemder memlekettik bıýdjet jáne óńirlerdegi bıýdjetten tys qorlardyń qarajaty esebinen júzege asyrylady;
· Qazirgi ýaqytta oblystardyń ákimdikteri men «Atameken» óńirlik palatalary zardap shekken ShOB sýbektileriniń tizimin qalyptastyrý boıynsha belsendi jumys júrgizýde, baǵalaýshy kompanııalardyń, ShOB-qa qyzmet kórsetý úshin advokattardyń tizbesin aıqyndaıdy, zalaldyń aldyn ala somasyn jasaıdy;
· Zardap shekken nysandar negizinen dúkender, naýbaıhanalar, shashtarazdar, tigin tsehtary, kafeler, jylyjaılar, qoıma ǵımarattary, sharýa qojalyqtary jáne basqa da nysandar;
· «Atameken» QR UKP-da 1432 «jedel jeli» jumys isteıdi.
5. Áleýmettik sala:
Densaýlyq saqtaý:
· barlyq juqpaly aýrýlar aýrýhanasy men medıtsınalyq qyzmetkerler daıyn tur. Júkti áıelder men dıspanserlik eseptegi adamdar erekshe baqylaýda. Dezınfektsııalyq jáne dárilik zattardyń eki aılyq qory jasaqtalýda. Olardy medıtsınalyq uıymdardyń bazalarynda jáne «SK-Farmatsııanyń» óńirlik qoımalarynda shoǵyrlandyrý josparlanǵan;
· 16 kýrortty-sanatorııalyq uıym anyqtalyp, onda sý tasqynynan zardap shekkender tegin qabyldanady. Tutastaı alǵanda, bul nysandar bir ýaqytta 190 adamdy qabyldaı alady, ońaltý kýrsy 10-nan 14 kúnge deıin sozylady, bul múmkindiginshe zardap shekkenderdi emdeý-ońaltý sharalarymen qamtýǵa múmkindik beredi. Sondaı-aq Kásipodaqtar federatsııasy respýblıkanyń 7 sanatorııinde áleýmettik osal sanattarǵa jatatyn azamattardy saýyqtyrý úshin 164 oryn bóldi;
· 1 mamyrdan bastap turǵyndardy tegin kásibı medıtsınalyq kómekpen qamtamasyz etý úshin «Járdem» mamandandyrylǵan medıtsınalyq poıyzy iske qosylady. Sý tasqyny jaǵdaıyn eskere otyryp, zardap shekken aýyldyq eldi mekenderdiń turǵyndary medıtsınalyq poıyz qyzmetterimen qamtylatyn bolady.
Bilim berý
· Evakýatsııalaý ortalyqtaryna ornalastyrylǵan balalar oqý protsesin jalǵastyrý úshin qashyqtan oqytý formatyna kóshiriledi;
· evakýatsııalaý pýnktterindegi balalar men olardyń ata-analary oqý-tárbıe protsesin uıymdastyra otyryp, jazǵy lagerlerge, jataqhanalarǵa, mektepter janyndaǵy ınternattarǵa ornalastyryldy. Balalardy saýyqtyrý ortalyqtaryna 600 bala jiberildi. 5-8 synyp oqýshylary «Daryn», BIL, NZM mektep-ınternattaryna, joǵary synyp oqýshylary (9-11 synyptar) - kolledjder men JOO jataqhanalaryna ornalastyryldy;
· Buryn evakýatsııalaý pýnktterinde bolǵan 4,5 myńnan astam bala turmystyq jaǵdaılary bar mekemelerge ornalastyryldy. Balalar men olardyń ata-analary úshin shamamen 8 myń oryn rezerv daıyndaldy;
· Aqtóbe jáne Atyraý oblystaryndaǵy barlyq stýdentter úshin aǵymdaǵy baqylaý (BJB jáne TJB) alynyp tastaldy;
· Aqmola, Qaraǵandy, Qostanaı, Shyǵys Qazaqstan, Batys Qazaqstan, Soltústik Qazaqstan, Pavlodar jáne Abaı oblystarynda aǵymdaǵy baqylaýdy (SOR jáne SOK) alyp tastaý týraly sheshim jaǵdaıdy eskere otyryp ishinara qabyldanady;
· zardap shekken aımaqtardaǵy balalardyń saýyqtyrý lagerlerine tegin saıahaty uıymdastyryldy;
· Jalpy bilim berý qorynyń qarajaty esebinen balalardy qajetti zattarmen (kıim, aıaq kıim, keńse kerek-jaraqtary) qamtamasyz etý jumystary júrgizilýde.
Azyq-túlikpen qamtamasyz etý:
· Sý tasqynynan zardap shekken 10 óńirde áleýmettik mańyzy bar azyq-túlik taýarlarynyń baǵasyna kúndelikti monıtorıng júrgizilýde.
· Azamattardyń aryz-shaǵymdary úshin «senim telefondary» qurylyp, qoǵamdyq baqylaý pýnktteri ashyldy. Kásipkerlik sýbektileri jalpy kólemi 635 myń tonna eń mańyzdy azyq-túlik jáne azyq-túlik emes taýarlardy jetkizý boıynsha memorandýmdarǵa qol qoıdy. Turaqtandyrý qorlarynan 767 tonnaǵa jýyq áleýmettik azyq-túlik taýarlary satyldy. Zardap shekken 10 óńirde STQT baǵasynyń kóterilýine baılanysty 140-tan astam ákimshilik is qozǵaldy, 122 eskertý jasalyp, 17 aıyppul salyndy.
Áleýmettik qorǵaý:
· Tótenshe jaǵdaı jarııalanǵan qalalar men aýdandarda 5 myń otbasyna memlekettik organdarǵa habarlaspaı-aq ataýly áleýmettik kómek avtomatty túrde taǵaıyndaldy;
· Tótenshe jaǵdaı rejımi kezeńinde 4 myńǵa jýyq adamdy, onyń ishinde balalardy qosa alǵanda múgedektikke qaıta qaraý merzimi avtomatty túrde uzartyldy. Múgedektik boıynsha járdemaqy buryn belgilengen toptar boıynsha tólenedi;
· Tótenshe jaǵdaı kezeńinde jumyssyzdardyń jáne sýbsıdııalanatyn jumys oryndarynda jumys isteıtinderdiń eńbekaqysyn jumys berýshilerden aqparat talap etpeı eńbek utqyrlyǵy ortalyǵy tóleıdi;
· Sý tasqynynan zardap shekken jastardy shaǵyn nesıelendirý baǵdarlamasy boıynsha qaryz alýshylarǵa shaǵyn nesıeler boıynsha tólemderdi keıinge qaldyrý qamtamasyz etiledi, sondaı-aq basqa da memlekettik qoldaý sharalary qarastyrylady. 2024 jylǵa arnalǵan kesteler boıynsha barlyq tólemder 2025 jyldan bastap qarjylandyrý kezeńiniń sońyna deıin kelesi tólemderge teń úlestermen bólinedi.
Mobıldi baılanys jáne ınternet:
· Uıaly baılanys operatorlary sý tasqyny aımaǵynda ornalasqan abonentterge tarıftik josparlarǵa (40-50 mın, 40-50 SMS jáne 7 kúnge 8-10 GB) qosymsha resýrstar qosty;
· Sondaı-aq oqý úderisin úzdiksiz qamtamasyz etý úshin Qostanaı, Aqtóbe, Ulytaý, Atyraý, Shyǵys Qazaqstan, Batys Qazaqstan jáne Soltústik Qazaqstan oblystaryna Starlink termınaldarynyń jınaqtary jiberildi.
