Sý tasqynynan zardap shekken Qulsary qalasynyń turǵyndary kommýnaldyq tólemderden bosatylady

ATYRAÝ. KAZINFORM –  Jylyoı aýdanynyń ákimi Jumabek Qarajanovtyń habarlaýynsha, zardap shekken úılerdiń turǵyndary sáýir, mamyr, maýsym aılarynda kommýnaldyq qyzmetter úshin tólemnen bosatylady, dep habarlaıdy Atyraý oblysynyń Tótenshe jaǵdaılar jónindegi jedel shtaby.

Qazirgi ýaqytta Qulsary qalasy aýyz sýmen úzdiksiz qamtamasyz etilip jatyr. Elektr qýatyna barlyǵy 2870 úı qosyldy, sý basý aımaǵynda ornalasqan 3084 úıdi gazben jabdyqtaldy.

«Turǵyndarǵa naýryz aıyna kommýnaldyq tólemderdi (QTQ, elektr energııasy, gaz jáne aýyz sý úshin) tóleýge túbirtekter taratylady. Alaıda, qala turǵyndary ózderine yńǵaıly kez kelgen ýaqytta esepshottardy tóleı alady», - dedi Jumabek Qarajanov.

Sondaı-aq, aýdan ákiminiń habarlaýynsha, Qulsary qalasynda kommýnaldyq qyzmetterge tarıfterdi kóterý faktileri tirkelmegen.