Sý tasqynynan zardap shekken kredıt ıelerin qoldaý algorıtmi jasaldy
ASTANA. KAZINFORM — Bankter men shaǵyn qarjy uıymdary apattan kelgen shyǵynyń áserin baǵalaý úshin árbir zardap shekken qaryz alýshynyń jaǵdaıyna jeke-jeke saraptama jasaıdy. Osy málimetter negizinde nesıe boıynsha derbes qoldaýdyń qosymsha sharalary anyqtalady. Bul jaıynda Qarjy naryǵyn retteý jáne damytý agenttiginen málim etti.
Eger jeke tulǵa zardap shekkender tiziminen ózin tappaǵan jaǵdaıda jergilikti atqarýshy organǵa júginý qajet.
Sodan keıin qaryzdy keıinge qaldyrý jóninde ótinim berý úshin nesıe uıymyna júginý kerek.
Agenttiktiń atap ótýinshe, qaryz alýshylarmen ózara is-qımyl protsesin jeńildetý maqsatynda bankter men shaǵyn qarjy uıymdary zardap shekken qaryz alýshylar úshin ótinishterdi qashyqtan berý servısin iske asyrady.
«Zardap shekken barlyq jeke kásipkerge, shaǵyn jáne orta bıznes sýbektisine olar bergen ótinishterdi eskere otyryp, kredıtter boıynsha tólemderdi keıingi qaldyrý múmkindigi beriletin bolady. Ol úshin bankke nemese shaǵyn qarjy uıymyna júginý qajet», — dep atap ótedi vedomstvodan.
