Sý tasqynynan zardap shekken aımaqtarǵa Túrkistan oblysynan 150 jýyq tehnıka jiberiledi

TÚRKІSTAN. KAZINFORM — Búgin sý tasqynynan zardap shekken Batys Qazaqstan oblysyna 70-ten astam tehnıka men kólik júrgizýshileri jiberildi. Al, erteń taǵy 50-ge jýyq tehnıka jolǵa shyqpaq.

Tehnıkalardy Túrkistan jáne Arys stantsııalarynda túni boıy poıyzdarǵa tıeý jumystary júrgizildi. Endi «Qazaqstan Temir joly» ulttyq kompanııasy belgilengen kestege sáıkes Atyraý stantsııasyna jetkizedi. 

Jalpy, buǵan deıin Túrkistannan Batys Qazaqstan oblysyna 104 jeke quram men 12 tehnıka, al Soltústik Qazaqstan oblysyna 54 jeke quram men 9 tehnıka jiberilgen bolatyn. Qazirgi kezde Tótenshe jaǵdaı qyzmetkerleri atalǵan aımaqtarda sý tasqynynyń aldyn alý jumystaryn júrgizip jatyr. Sondaı-aq, óńirden barǵan erikti jastar da apat aımaqtaryna jumys istep jatyr. 

Aıta keteıik, búgin Túrkistan oblysynan BQO-ǵa 200 tonnaǵa jýyq gýmanıtarlyq kómek jóneltildi.