Sý tasqynynan zardap shekken aımaqtardaǵy qurylystardy onlaın baqylaý júıesi qosyldy

ALMATY. KAZINFORM – Ónerkásip jáne qurylys mınıstrligi sý tasqynynan zardap shekken aımaqtardaǵy qurylystardy onlaın baqylaý júıesin iske qosty.

Qurylystyń ashyqtyǵy men tıimdiligin arttyrý aıasynda QR Ónerkásip jáne qurylys mınıstrligi «Sergek Group» kompanııasymen jáne alty oblystyń ákimdikterimen seriktestikte turǵyn úı qurylysyn onlaın baqylaýdyń biregeı júıesin jasady.

«Aqmola, Aqtóbe, Batys Qazaqstan, Qostanaı, Soltústik Qazaqstan jáne Atyraý oblystaryndaǵy qurylys nysandarynda 50 beınekamera ornatylyp, onyń 30-y iske qosyldy. Bul shara qurylys jumystarynyń barysyn táýlik boıy baqylaýdy múmkin etip, sondaı-aq azamattarǵa gov.kz portaly arqyly onlaın-habarlamalarǵa tikeleı qol jetkizýge múmkindik beredi», — dep jazdy vedomstvodan.