Sý tasqynynan qorǵaıdy: Sý resýrstary mınıstrligi aýqymdy joba ázirlep jatyr
ASTANA. KAZINFORM - Sý resýrstary jáne ırrıgatsııa mınıstrligi «Abaı jáne Shyǵys Qazaqstan oblystaryndaǵy gıdrotehnıkalyq nysandar men ırrıgatsııa júıelerin qalpyna keltirý jáne damytý» jobasyn ázirlep jatyr, dep habarlaıdy mınıstrliktiń baspasóz qyzmeti.
Qazirgi tańda bul óńirlerdegi sý qoımalary men kanaldardy rekonstrýktsııalaýǵa baǵyttalǵan 24 jobadan turatyn pýl jasaldy.
Qazirgi ýaqytta Eýropalyq qaıta qurý jáne damý banki qarjysy esebinen iske asyrý úshin memlekettik ınvestıtsııalyq jobaǵa oń qorytyndy alyndy. Qurylys-montaj jumystary 2027-2029 jyldary júzege asyrylady dep josparlanyp otyr. Joba Qazaqstan Respýblıkasynyń 2030 jylǵa deıingi sý resýrstaryn basqarý júıesin damytý tujyrymdamasynda kózdelgen.
-Aýqymdy joba Qazaqstannyń shyǵys oblystaryndaǵy sý sharýashylyǵy ınfraqurylymyn jańǵyrtýǵa baǵyttalǵan. Bul sý resýrstaryn, onyń ishinde transshekaralyq sý resýrstaryn tıimdi basqarýǵa múmkindik beredi. Sondaı-aq eldi mekenderdi sý tasqyny kezinde qorǵaýdy kúsheıtip, Shyǵys Qazaqstan jáne Abaı oblystarynda ónerkásip pen aýyl sharýashylyǵynyń damýyna yqpal etedi, – dedi Sý sharýashylyǵy ımarattaryn damytý departamentiniń dırektory Saǵı Útelov.
Osyǵan deıin úsh jylda sý salasyndaǵy uzaqqa sozylǵan jobalar sany eki esege azaıǵany týraly jazdyq.
