Sý tasqynynan keıin qazaqstandyq 202 otbasy qıraǵan baspanasynyń ornyna turǵyn úı men páter aldy
ASTANA. KAZINFORM – QR Úkimeti Memleket basshysy Qasym-Jomart Toqaevtyń tapsyrmasy boıynsha bıylǵy kóktemde bolǵan aýqymdy sý tasqynynan zardap shekken azamattarǵa keltirilgen shyǵyndy óteý jumystaryn jalǵastyryp jatyr.
Úkimettiń baspasóz qyzmeti habarlaǵandaı, búgingi tańda 24 641 otbasy 9,3 mlrd teńgeden astam somaǵa 100 AEK mólsherinde birjolǵy tólem aldy. Mal shyǵyny úshin berilgen memlekettik kómek kólemi 1,3 mlrd teńgeden asty.
17 mamyrdaǵy jaǵdaı boıynsha búginde 202 otbasy qıraǵan baspanasynyń ornyna turǵyn úı men páterge ıe boldy. Aqtóbe, Batys Qazaqstan, Soltústik Qazaqstan jáne Pavlodar oblystarynda zardap shekken azamattarǵa arnalǵan 658 jańa úı salynyp jatyr. Sonymen qatar 596 otbasyna 878 mln teńgeden astam somaǵa turǵyn úıdi jóndeýge jáne qalpyna keltirýge ótemaqy tólendi. Zardap shekken óńirlerde barlyǵy 10 740 turǵyn úı tekserilip, 8 168 nysan boıynsha baǵalaý júrgizildi.
Keltirilgen zııandy óteý jumystary jalǵasyp jatyr jáne Úkimettiń qatań baqylaýynda. QR Prezıdentiniń tapsyrmasy boıynsha zardap shekken azamattardyń barlyǵyna jan-jaqty kómek pen qoldaý kórsetiledi.
Aıta keteıik, Úkimet Rıdderdiń jylý jelilerin jóndeý úshin rezervten 2,4 mlrd teńgeden astam qarajat bóldi.
