Sý tasqynynan keıin 37 myńǵa jýyq adam úıine oraldy
ASTANA. KAZINFORM - Azamattyq qorǵaý qyzmetterimen Atyraý, Aqtóbe, Batys Qazaqstan jáne Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý boıynsha jumystar jalǵasyp jatyr.
Batys Qazaqstan oblysynda jaǵdaı turaqtalyp keledi. Sý basqan saıajaı aýmaqtaryna monıtorıng júrgizilip jatyr. Tótenshe jaǵdaılar jáne polıtsııa departamentiniń qyzmetkerleri birlesip, sý basqan aýmaqtardy patrýldep jatyr. Bul týraly QR TJM ókili Asqar Shárip OKQ brıfınginde habarlady.
«Atyraý oblysyndaǵy jaǵdaıǵa monıtorıng jalǵasyp jatyr. Sý deńgeıine monıtorıng júrgizilýde. Sý tasqynynan qorǵaý maqsatynda Atyraý qalasynda bógetterdi nyǵaıtý jumystary úzdiksiz júrgizilip jatyr. Búgingi tańda uzyndyǵy 498 shaqyrymdy quraıtyn bógetterdi nyǵaıtý jumystary júrgizilip jatyr», - dedi spıker.
Soltústik Qazaqstan, Atyraý jáne Aqtóbe oblystarynda 6148 turǵyn úı men 2 794 aýla aýmaǵynan sýdyń baǵyty burylyp, sý soryldy.
Sý tasqyny bastalǵaly beri 119 220 adam, onyń ishinde 44 776 bala qutqarylyp, evaakýatsııalandy. Respýblıka boıynsha 36 745 adam óz úıine oraldy. 6 909 adam evakýatsııalaý pýnktterinde. Avarııalyq-qutqarý jáne sý tasqynyna qarsy jumystarǵa 27 myńnan astam adam jumyldyryldy.