Sý tasqynynan ınternetsiz otyrǵan aýyldarǵa 50-ge jýyq Starlink termınaly jiberildi
ASTANA. KAZINFORM - Búgingi tańda bazalyq stansalardy elektrmen jabdyqtaý jáne ajyratý problemalaryna ákep soqtyrǵan birqatar óńirlerdegi sý tasqyny jaǵdaıy SQO, Aqtóbe, Qostanaı, Aqmola oblystaryndaǵy uıaly baılanys operatorlarynyń jumysyna keri áser etti. Sóıtip 12 aýylda bazalyq stansalar tasymaldanatyn generatorlar arqyly jumys istep tur.
Barlyq oblysta mobıldi operatorlardyń rezervinde 300-den astam generator bar, bul iske 234 ınjener jumyldyrylǵan.
Tótenshe jaǵdaıdyń alǵashqy kúnderinen bastap barlyq uıaly baılanys operatorlary sý basqan aımaqtarda boldy.
QR tsıfrlyq damý, ınnovatsııalar jáne aeroǵarysh ónerkásibi mınıstrligi oblystyq ákimdik suranystaryna sáıkes sý tasqyny aımaǵyndaǵy óńirlerge 48 Starlink termınalyn jiberdi.
Mınıstrlik Qostanaı oblysyna 30 termınal, Aqtóbe oblysyna 3 termınal, BQO-ǵa 3 termınal, Ulytaý oblysyna 1 keshen, Atyraý oblysyna 6 termınal, ShQO-ǵa 2, SQO-ǵa 3 termınal jiberdi.
Starlink, eń aldymen, úzdiksiz oqý protsesin qamtamasyz etý úshin oblys mektepterin jabdyqtaıdy.
Bul rette osy aptada respýblıka boıynsha bir ýaqytta qosylý úshin qosymsha termınal keshenderin jiberý josparlanǵan.
Qajet bolǵan jaǵdaıda jáne ákimdikterden tıisti suraýlar túsken jaǵdaıda mınıstrlik qosymsha termınaldar jiberýge daıyn.
Búgingi tańda 447 aýyldyq mektep Starlink tehnologııasyn qoldana otyryp ınternetpen qamtamasyz etilgen.
Termınaldardy ornatqannan keıin mektepterdegi ınternettiń ortasha jyldamdyǵy 200 Mbıt/s jetedi.
Budan basqa, uıaly baılanys operatorlary sý tasqyny aımaǵyndaǵy abonentterge tarıftik josparlarǵa qosymsha resýrstar (40-50 mın, 40-50 SMS jáne 7 kúnge 8-10 Gb) qosty.
Mınıstrlik jedel, úzdiksiz baılanysty uıymdastyrý úshin Aqtóbe oblysynyń ákimdigine Thuraya (2 dana) spýtnıktik telefondaryn paıdalanýǵa bergenin atap ótken jón.
Sonymen qatar, Astana Hub sý tasqynyn basqarý boıynsha 30-dan astam ınnovatsııalyq sheshimderdi jınap, olardy qaraý úshin TJM-ge tapsyrdy.
Amerıkalyq ARC Drones startabynyń negizin qalaýshylar Álibek Eltaı men Ásel Tursyn Qazaqstandaǵy sý tasqynyna qarsy kómek kórsetý úshin avtonomdy drondaryn usyndy.
Tehnoparkpen seriktestik aıasynda ARC Drones medıtsınalyq materıaldardy, gýmanıtarlyq kómekti, azyq-túlikti jáne basqa da shuǵyl taýarlardy shalǵaı jáne jetý qıyn aımaqtarǵa tıimdi jetkizý úshin ushqyshsyz úsh dron bergen.
Sonymen qatar, Atyraý oblysynyń Jylyoı aýdanynda Qulsary qalasynda AHAT jáne ZTMO ǵımarattary sý astynda qalǵan.
Joǵaryda atalǵan bólimderde tótenshe jaǵdaı jarııalanýyna baılanysty jumys toqtatyldy.
Qalǵan óńirlerde jaǵdaı turaqty, fılıaldar shtattyq rejımde jumys isteıdi. TJ saldaryn jedel joıý maqsatynda Azamattarǵa arnalǵan úkimet Atyraý oblysy boıynsha fılıaly ǵımarattarǵa kelgen zalaldy baǵalaý jumysyn júrgizip jatyr.
