Sý tasqynynan búlingen úılerdi salý barysy únemi kameramen baqylanady
ASTANA. KAZINFORM – Sý tasqynynan búlingen úılerdi salý barysy únemi kameramen baqylanady. Bul týraly Úkimet otyrysynda Ónerkásip jáne qurylys mınıstri Qanat Sharlapaev aıtty.
«Mınıstrlik janyndaǵy ahýaldyq ortalyq jáne Eńbek resýrstaryn damytý ortalyǵy EGOV jáne «Áleýmettik kómek» ınforjúıesi arqyly azamattardan ótinishterdi qabyldaý jáne óńdeý protsesine monıtorıng júrgizedi. Tsıfrlandyrý esebinen iske asyrý kezeńderi bólinisinde obektilik monıtorıng qamtamasyz etildi. Deshbordqa monıtorıng nátıjelerin shyǵarý boıynsha jumystardy aptanyń sońyna deıin aıaqtaýdy josparlap otyrmyz», - dedi mınıstr.
Sonymen qatar ol ár óńirde jappaı qurylys alańdarynda táýlik boıy onlaın qoljetimdiligi bar 52 kamera ornalastyrylǵanyn aıtty.
"Aldaǵy aptada Aqtóbe oblysynda qosymsha 6 kamerany iske qosý josparlanýda. Ákimdikter árbir nysandaǵy jumystardy jedeldetýi jáne jumystardyń ýaqtyly oryndalýyn udaıy baqylaýy qajet», - dedi Qanat Sharlapaev.
