Sý tasqynynan adam ólimi faktisi tirkelgen joq – TJM

ASTANA. KAZINFORM – Tótenshe jaǵdaılar mınıstrligi sý basqan óńirlerde adam ólimine qatysty túsinik berdi.

Úkimet otyrysynan keıin ótken baspasóz máslıhaty barysynda «Sý tasqyny saldarynan qansha adam qaıtys boldy jáne qansha adam is-tússiz joǵaldy?» degen saýal qoıyldy. 

«Sý tasýy saldarynan qaıtys bolǵan adam joq. Alaıda sý kóterilgen kezde, ıaǵnı Atyraý jáne Abaı oblystarynda tirkelgen jaǵdaılar bar. Qazir ol máselemen Іshki ister mınıstrligi aınalysyp jatyr. Oǵan qatysty aldyn ala sheshim shyǵarýǵa erte. Іshki ister mınıstrligi óz jaýabyn beredi», - dep jaýap berdi Tótenshe jaǵdaılar vıtse-mınıstri Baýyrjan Syzdyqov. 

Sondaı-aq, Tótenshe jaǵdaılar vıtse-mınıstri Baýyrjan Syzdyqov Úkimet otyrysynda tasqyn qursaýyndaǵy óńirlerdiń ahýalyn baıandady. 

Aıta ketsek, Premer-mınıstr tasqyn sý aımaqtarynan qajet bolsa, halyqty májbúrlep kóshirý kerektigin aıtqan edi.