Sý tasqynyna qarsy sharalar: Aqtóbede sý nysandary áýe sholýy arqyly baqylandy
ASTANA. KAZINFORM — Sý tasqynyna qarsy sharalar aıasynda áýe kemesiniń qatysýymen avıatsııalyq sholý júrgizildi, dep habarlaıdy TJM baspasóz qyzmeti.
Vedomstvo málimetinshe, onyń barysynda sý qoımalaryn keshendi tekserý uıymdastyrylyp, qaýipsizdik sharalary kúsheıtildi.
Aqtóbe oblysy ákiminiń orynbasary, oblys prokýrory, TJD basshylyǵy jáne «Qazsýshar» RMK ókilderi Aqtóbe, Qarǵaly jáne Maǵadjan sý qoımalarynyń sý jınaý aımaqtaryn jergilikti baqylaý men áýe monıtorıngin júrgizdi.
— Sondaı-aq tekserý toby Yrǵyz aýdany aýmaǵyn da áýe sholýymen qarap shyqty. Arnaıy nazar gıdrotehnıkalyq nysandardyń jaǵdaıyna, qar qaptamasynyń deńgeıine, sondaı-aq ózenderdiń salalarynyń jaǵdaıyna aýdaryldy, — delingen mınıstrlik taratqan aqparatta.
Budan buryn Aqtóbe qalasynda tasqynǵa qarsy kúres jumystaryna 600 mln teńgeden astam qarjy jumsalatyny belgili boldy.
