Sý tasqynyna daıyndyq: Qazaqstan men Reseı transshekaralyq ózender boıynsha kún saıyn aqparat almasady
SEMEI. KAZINFORM – Sý tasqynyna daıyndyq aıasynda Qazaqstan men Reseı eki el arasyndaǵy barlyq transshekaralyq ózender boıynsha kúndelikti aqparat almasa bastady.
QR Sý resýrstary jáne ırrıgatsııa mınıstrliginiń málimetinshe, derektermen almasý sý tasqyny kezeńi aıaqtalǵanǵa deıin jalǵasady.
Jyl basynan beri sý tasqyny kezeńindegi ózara is-qımyl jónindegi Qazaqstan-Reseı birlesken jumys tobynyń eki otyrysy ótti. Kezdesýde taraptar sý qoımalarynyń belgilengen jáne josparlanǵan jumys rejımderi týraly derek almasty, sondaı-aq sý qoımalaryna sý aǵyny jáne transshekaralyq ózenderdegi kútiletin sý deńgeıi boıynsha boljamdarmen bólisti.
- Qazirgi ýaqytta Qazaqstannyń ózenderi men sý qoımalaryndaǵy sý deńgeıine turaqty baqylaý júrgizilýde, táýlik boıy kezekshilik uıymdastyryldy. Sý qoımalarynda tasqyn sýdy qabyldaý jáne qaýipsiz ótkizý úshin bos syıymdylyqtar qamtamasyz etiledi. Reseı Federatsııasynyń aýmaǵy arqyly ótetin Ertis pen Jaıyqty qosa alǵanda 240 shaqyrym ózen arnasy tazartyldy, - dedi Sý resýrstary jáne ırrıgatsııa vıtse-mınıstri Nurlan Aldamjarov.
BQO-da Jaıyq ózenindegi sý deńgeıi ıAnvartsev aýyly tusynda 317 santımetrge jetkenin jazǵan bolatynbyz.