Sý tasqynyna baılanysty BQO-nyń taǵy eki aýdanynda tótenshe jaǵdaı jarııalandy
ORAL. KAZINFORM - Sý tasqynyna baılanysty Batys Qazaqstan oblysy Syrym jáne Bórli aýdanynda jergilikti aýqymdaǵy tabıǵı sıpattaǵy tótenshe jaǵdaı jarııalandy.
Syrym aýdany ákiminiń bıylǵy 28 naýryzdaǵy sheshimi shyqty. Sondaı-aq Bórli aýdany ákiminiń búgingi sheshimimen tótenshe jaǵdaı jarııalandy.
Osyǵan oraı atalǵan aýdanda qajetti is-sharalar atqarylady. Buǵan deıin oblysta Oral qalasy jáne Qaratóbe, Terekti aýdandarynda tótenshe jaǵdaı jarııalanǵan edi.
Sonymen qatar qıyn jaǵdaıǵa dýshar bolǵan turǵyndarǵa kómek kórsetý maqsatynda qaıyrymdy azamattar úshin óńirde «Aqjaıyq» qory ashyldy.
Eske sala keteıik, Batys Qazaqstanda sýǵa ketken aýyldan turǵyndar tikushaqpen evakýatsııalanyp jatqanyn jazǵan bolatynbyz.
Sondaı-aq BQO-nyń Qaratóbe jáne Terekti aýdanynda tótenshe jaǵdaı jarııalandy.
Sý tasqynyna daıyn bolý úshin Oral turǵyndaryna eskertý jarııalandy.
