Sý tasqyny: Jaıyqtyń jaǵdaıy táýlik boıy baqylanyp jatyr
ASTANA. KAZINFORM – Atyraý oblysynda Jaıyq ózeniniń sý deńgeıine táýlik boıy monıtorıng júrgizilip jatyr.
«Atyraý qalasynda jáne Qurmanǵazy aýdanynda uzyndyǵy 345 km bógen salyndy», - dedi Tótenshe jaǵdaılar mınıstrliginiń ókili Asqar Shárip Ortalyq kommýnıkatsııalar alańynda ótken brıfıngte.
Soltústik Qazaqstan oblysynda qutqarýshylar Qyzyljar aýdanynyń Prıbrejnoe aýylynyń turǵyndaryna azyq-túlik jetkizip jatyr. Qostanaı oblysy TJ departamentiniń kúshteri men quraldary Petropavl qalasynyń Podgora shaǵyn aýdanynda sý tasqynyna qarsy jumystarǵa kiristi.
Respýblıka boıynsha 9 660 turǵyn úı men 3 213 aýla aýmaǵynan sýdyń baǵyty burylyp, sý sorylǵan. Sý tasqynynan zardap shekken 50 670 adam óz úıine oraldy. Al 5 436 adam áli kúnge deıin ýaqytsha ornalasý pýnktterin panalap otyr.