Sý tasqyny: Jańa úılerdiń 1 sharshy metri 281 myń teńgeden salynady
ASTANA. KAZINFORM – Sý tasqynynan jaramsyz bolǵan úılerdiń ornyna salynatyn jańa baspananyń 1 sharshy metri 281 myń teńgeden bolady. Bul týraly Ónerkásip jáne qurylys mınıstri Qanat Sharlapaev aıtty.
«Qazirgi tańda búkil ákimdikterden túsken aqparattardy jınaımyz. Sol aqparat boıynsha jergilikti atqarýshy organdardyń bıýdjetinen, odan keıin respýblıkalyq bıýdjetten qarajat bólemiz. 80 sharshy metrlik bir úıdiń qunyn 22 mln teńge dep baǵalap otyrmyz. Bir sharshy metri - 281 myń teńge», - dedi mınıstr.
ıAǵnı, onyń naqtylaýynsha, sý tasqyny saldarynan jaramsyz bolǵan úılerdiń ornyna boı kóteretin jańa baspananyń bir sharshy metri 281 myń teńgeden salynatyn bolady.
«Búginde qıraǵan úılerdiń jalpy sany belgisiz. Jergilikti atqarýshy organdar búkil aqparatty jınaıdy. Sodan keıin qarajat bólemiz. Bir úıdiń baǵasy bekitilgen», - dedi Qanat Sharlapaev.
