Sý tasqyny, orman órtteri, sanavıatsııa – TJM ushaqtary qandaı qutqarý jumystaryn júrgizdi
ASTANA. KAZINFORM – Jyl basynan beri Tótenshe jaǵdaılar mınıstrliginiń avıatsııa qyzmeti 6 170 saǵat ushyp, 2 537 ret qutqarý jumystaryna qatysqan. Bul týraly mınıstrliktiń qorytyndysynda aıtyldy.
«Qazavıaqutqarý» AQ avıatsııasy qaýipsizdikti qamtamasyz etýde tıimdi jáne mańyzdy ekenin dáleldep keledi. Kompanııanyń áýe kemeleri qutqarý jumystarynda, tabıǵı apattardyń saldaryn joıýda, gýmanıtarlyq júkterdi tasymaldaýda jáne sanıtarlyq kómek kórsetýde sheshýshi ról atqardy.
Jyl basynan beri «Qazavıaqutqarý» 6 170 saǵat ushyp, 2 537 ret qutqarý jumystaryna qatysqan. Onyń ishinde 1 155 ushý izdeý-qutqarý operatsııalaryn, órtterdi sóndirýdi, qaýipti aýmaqtardy tekserýdi jáne adamdardy evakýatsııalaýdy qosa alǵanda, TJM mindetterin oryndaýǵa baǵyttaldy.
QR TJM jeti ekıpajy Qazaqstannyń sý tasqyny qaýpi bar óńirlerinen adamdardy qutqarýǵa belsendi qatysty. Olar 2 myńnan astam adamdy, onyń ishinde 425 balany evakýatsııalady jáne zardap shekken aýdandarǵa 30-dan astam tonna gýmanıtarlyq júk jetkizdi. Jaǵdaıdy tıimdi baqylaý úshin 27 aerovızýaldy tekserý júrgizildi, bul qaýipti ýchaskelerdi ýaqtyly anyqtaýǵa jáne yqtımal qaýipterdiń aldyn alýǵa múmkindik berdi.
Ulytaý, Qostanaı, Aqtóbe, Atyraý, Qaraǵandy, Pavlodar, Aqmola, Soltústik Qazaqstan jáne Abaı sııaqty Qazaqstan óńirlerindegi sý tasqyny saldaryn joıýǵa erekshe nazar aýdaryldy.
– 2024 jyly TJM tikushaqtary iri orman jáne dala órtterin sóndirýge belsene qatysty, órt oshaqtaryna jalpy kólemi 390 tonna 130 ret sý tógildi. Pavlodar jáne Qaraǵandy oblystarynyń shekarasynda avıatsııanyń kómegimen 10 myń gektar alqaptaǵy órt sóndirildi. Bul Airbus Helicopters tikushaqtarynda Bambi Bucket sý tógetin qurylǵylardy paıdalaný arqyly múmkin boldy. TJM tikushaqtary sý aıdyndary men jergilikti sý kózderin paıdalanyp, 29 ret sý tókti, bul órtti sóndirý protsesin aıtarlyqtaı jedeldetti, - deıdi mınıstrlik.
Sanıtarlyq avıatsııa da 2024 jyly óziniń tıimdiligin kórsetti. TJM tikushaqtary zardap shekkenderdi evakýatsııalaý jáne naýqastardy aýrýhanaǵa jatqyzý úshin paıdalanyldy. Almaty oblysyndaǵy Túrgen shatqalynan omyrtqa jaraqaty bar týrısti evakýatsııalaý – kórneki mysaldardyń biri. Jalpy alǵanda bir jylda sanıtarlyq avıatsııa 395 ret ushyp, túrli jaraqaty men aýrýy bar 356 naýqasty tasymaldady.
Bıyl TJM avıatsııany qoldanyp, bıik ǵımarattardaǵy órtterdi sóndirý boıynsha biregeı jattyǵýlar ótkizdi, bul TJM avıatsııasynyń kúrdeli ýrbanızatsııalanǵan jaǵdaılarda mindetterdi sheshýge daıyndyǵy men qabileti joǵary ekenin kórsetedi.
Sonymen birge, uıymnyń áýe parki de jańartyldy. Jyl sońynda «Qazavıaqutqarý» AQ áýe parkine jańa H145 D3 tikushaǵy kelip tústi. Oǵan qosa, Chehııada jaqynda paıdalanýǵa beriletin jańa l 410NG ushaqtaryn paıdalaný úshin ushqyshtardy daıarlaý kýrstary ótkiziledi.
Qazirgi ýaqytta «Qazavıaqutqarý» AQ áýe parkinde 35 tikushaq bar. 2020-2029 jyldarǵa 26 ushaq pen 32 tikushaqty qosa alǵanda, 58 áýe kemesin satyp alý kózdelgen, bul TJM avıatsııasyn aıtarlyqtaı nyǵaıtýǵa múmkindik beredi. 2 reaktıvti ushaq, aımaqaralyq tasymaldaýǵa arnalǵan 4 ushaq jáne aımaqtyq reısterge arnalǵan 20 ushaq alý josparlanýda.
Eske sala keteıik, buǵan deıin Úkimette neırondyq jeliler arqyly tótenshe jaǵdaılardy boljap, aldyn alatyny aıtylǵanyn jazǵan edik.