Oralda jeti balabaqsha ýaqytsha jabyldy

ORAL. KAZINFORM — Sý tasqyny qaýpine baılanysty Oral qalasynda 7 balabaqsha 16 sáýirden bastap qyzmetin ýaqytsha toqtatty.

Oral qalasy bilim bóliminen málim etkendeı, shaharda tabıǵı sıpattaǵy tótenshe jaǵdaı jarııalanýyna baılanysty qaýipti tusta ornalasqan № 2, 6, 12, 16, 17, 29, 33 mektepke deıingi uıymdary ýaqytsha jumys istemeıdi. 

Osy mekemelerde 1 018 búldirshin tárbıelenip jatyr. 

Bulardan basqa balabaqshalar qalypty jaǵdaıda búldirshinderdi qabyldap, óz qyzmetin atqarady. 

«Qalada barlyǵy 50 memlekettik, 124 jeke balabaqsha bar. Jeke balabaqshalar ózderi sheshim qabyldaıdy» dep habarlady vedomstvodan.

Eske sala keteıik, budan buryn Oralda salqyn sýdyń bolmaıtyny týraly jalǵan aqparat taraǵanyn jazǵan edik. 

Jaıyq ózenindegi sý deńgeıi Oral qalasynda 780 sm-ge jýyqtady.