Sý tasqyny: Oral qalasyndaǵy saıajaılardan turǵyndar kóshirilip jatyr
ORAL. KAZINFORM - Jaıyq ózenindegi sý deńgeıiniń kóterilýine baılanysty Oral qalasy mańyndaǵy 1-saıajaı jáne 2-saıajaı baý-baqsha seriktestikterindegi turǵyn úılerdi sý basý qaýpi týyndady.
BQO TJ departamentiniń baspasóz qyzmetinen málimet etkendeı, osyǵan oraı polıtsııa departamenti jáne jergilikti atqarýshy organdarmen birlese otyryp, birneshe kún boıy turǵyndarǵa eskertý paraqshalary taratylyp, túsindirý jumystary júrgizildi.
«Evakýatsııalaý jumystaryna barlyǵy 150 adam, 12 tehnıka, 1 júzý quraly tartyldy. Sonyń ishinde TJ mınıstrliginen 118 adam, 11 tehnıka, Іshki ister mınıstrliginen 32 adam (1 tehnıka) jumyldyryldy. Qazirge deıin 22 adam kóshirilse, sonyń altaýy – bala. Turǵyndardyń birqatary týystarynyń úıine ketse, birqatary evakýatsııalyq pýnktterge ornalastyryldy», - dep habarlady vedomstvodan.
Oral qalasy ákimdiginen alynǵan aqparatqa qaraǵanda, Jaıyq ózeni jaıylmalarynda oryn tepken 54 baý-baqsha seriktestiginde 1 600 otbasy turady. Sý basý qaýpiniń tónýine baılanysty ári evakýatsııalaý jumystaryn kedergisiz júrgizý úshin baý-baqsha seriktestikteri 8 sáýirden bastap elektr qýaty men gazdan ajyratyldy.
Eske sala keteıik, budan buryn BQO ákiminiń orynbasary sý tasqynynan zardap shekken turǵyndardan ótinishter qabyldanyp jatqanyn aıtqany týraly jazǵan bolatynbyz.
Sondaı-aq Jaıyq ózenimen mol sý kelmekshi: Batys Qazaqstanda daıyndyq qalaı júrip jatyr.
Batys Qazaqstan oblysynda 190-nan astam pedagogtiń úıin sý basty.
BQO-da tasqyn kezinde sibir jarasy kómindilerinen qaýip joq – veterınarlar.
