Sý tasqyny: óńirlerde 72 029 adam qaýipsiz jerge kóshirildi
ASTANA. KAZINFORM – Tótenshe jaǵdaılar mınıstrligi Tótenshe jaǵdaılardy joıý departamentiniń bastyǵy Qaharman Orazalın eldegi sý tasqynyna qatysty sońǵy jaǵdaımen (7 sáýir) tanystyrdy.
«Qazirgi ýaqytta Atyraý, Aqtóbe, Aqmola, Qostanaı, BQO jáne SQO-da 3686 jeke turǵyn úı, 550 aýla aýmaǵy jáne 1822 saıajaı úılerin sý astynda qaldy. Sý tasqyny bastalǵaly beri 72 029 adam, onyń ishinde 16078 bala qaýipsiz jerlerge jetkizildi. Ýaqytsha ornalasý pýnkterinde 14 368 adam onyń ishinde 7255 bala ornalastyryldy. Tótenshe jaǵdaılar mınıstrligi, Qorǵanys mınıstrligi jáne Ulttyq ulan áýe kemeleri qutqarý jumystaryn jalǵastyrýda», - dedi Qaharman Orazalın Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, 7,5 mln tekshe metrden astam qar sýy sorylyp shyǵarylyp, 952 myńnan astam qapshyq jáne 976 myń tonnadan astam ınertti materıal tóseldi.
«Búgingi tańda avarııalyq qutqarý jumystaryna 12 445 adam, 1300-ge jýyq tehnıka jáne áýe kemeleri jumyldyryldy. Atyraý, Aqtóbe, Qostanaı, BQO SQO jáne Pavlodar oblysy respýblıkalyq shtabtyń baqylaýynda», - deıdi ol.
