Sý tasqyny: Ólgen malǵa qansha teńgeden tólenedi
ASTANA. KAZINFORM – Elimizde sý tasqynynan aram qatqan tórt túliktiń shyǵyny eseptelip, mal ıelerine ótemaqy úlestirile bastady.
Qostanaı oblysy – mal shyǵyny qunyn óteýdi júzege asyrǵan respýblıkadaǵy alǵashqy oblystardyń biri. Bul baǵyttaǵy jumystardyń mán-jaıyn bilý úshin oblystyq veterınarııa basqarmasy basshysynyń mindetin atqarýshy Baýyrjan Beketke habarlastyq.
«Oblys boıynsha sý tasqyny saldarynan 981 bas tórt túlik aram qatty. Qazirgi tańda 780 bas maldyń baǵalaý esepteri daıyndalyp, ıelerine 113 mln teńgeden astam qarajat tólendi. Tórt túliktiń quny naryqtaǵy baǵamen esepteledi. Bul jumystardy «STELLA +» baǵalaýshy uıymy júrgizip jatyr», - dedi ol agenttik tilshisine bergen jaýabynda.
Іle-shala «STELLA+» JShS basshysy Vıktor Shevchenkoǵa habarlastyq. Onyń aıtýynsha, baǵalaý kezinde ár túliktiń jasyna mán beriledi.
«Ólgen maldyń salmaǵyn anyqtaý múmkin emes ekeni belgili. Biz «eger tótenshe jaǵdaı bolmasa, mal ıesi túligin qansha teńgege sata alar edi?» degen saýalǵa jaýap izdep, naryqty zerttedik. Sóıtip, ár maldyń qunyn shyǵardyq», - deıdi seriktestik basshysy.
Budan keıin Aqtóbe, Atyraý jáne Batys pen Soltústik Qazaqstan oblystarynyń quzyrly organdaryna habarlastyq. Aqtóbe men Batys Qazaqstan oblysynda baǵa Qostanaımen shamalas bolyp shyqty. Sonymen, ólgen maldyń quny qansha?
Al Atyraý men Soltústik Qazaqstan oblysynda baǵa ázirge naqtylanbaǵan. Jergilikti organdar sý tasqyny áli aıaqtalmaǵandyqtan, ólgen maldyń esebin júrgizýge kirispegendikterin málim etti.
Aıta keteıik, tólemder Aýyl sharýashylyǵy mınıstrligi ázirlegen sý tasqynynan shyǵyn bolǵan aýyl sharýashylyǵy janýarlarynyń qunyn óteý jónindegi algorıtmge sáıkes júzege asyrylady. Oǵan sáıkes, mal «Aýyl sharýashylyǵy janýarlaryn birdeılendirý» bazasynda tirkelse, bıýdjet esebinen qarjylandyrylady.
Al, maldyń óleksesi tabylmasa, dáleldeý úshin 3 kýáger tartylady. Túliktiń shyǵyny sý tasqynynan bolǵany týraly komıssııalyq akti jáne ýtılızatsııa týraly akti jasalady. Mundaı jaǵdaıda shyǵyn demeýshiler esebinen qalpyna keltirilmek. Sondaı-aq mal óleksesiniń qulaǵynda syrǵasy bolmasa nemese mal óleksesi tabylmasa, «Aýyl sharýashylyǵy janýarlaryn birdeılendirý» bazasynda tirkelmese demeýshiler esebinen qarjylandyrylady.
