Sý tasqyny: Munaı óndiretin 493 uńǵyma jumysy toqtap tur
ASTANA. KAZINFORM – Elimizdiń Atyraý men Aqtóbe oblystaryna sý tasqynyna baılanysty 493 uńǵyma munaı óndirýin toqtatyp tur. Bul týraly Energetıka mınıstrliginen málim etti.
Mınıstrliktiń málimetinshe, sý tasqynyna baılanysty Aqtóbe jáne Atyraý oblystarynyń birqatar munaı óndirýshi kásipornynda 634 uńǵymanyń jumysy toqtatyldy. Al munaı óndirýdiń jalpy shyǵyny 16 myń tonnany qurady.
«Búgingi tańda 141 uńǵymanyń jumysy qalpyna keltirildi. Áli de 493 uńǵymada munaı óndirý toqtatyldy. Onyń ishinde Aqtóbe oblysynda - 489 uńǵyma («SNPS – Aqtóbemunaıgaz» AQ 440 uńǵyma, «QMK Munaı» AQ 25 uńǵyma, «Fırma Ada Oıl» JShS 24 uńǵyma) jáne Atyraý oblysynda - 4 uńǵyma («Embimunaıgaz» AQ 3 uńǵyma, «5A Oıl» JShS 1 uńǵyma)», - dep naqtylady vedomstvodan.
Qazirgi ýaqytta uńǵymalardy qalpyna keltirýge baǵyttalǵan mynadaı jumystar júrgizilip jatyr:
– sorǵy jabdyqtarymen jáne agregattarmen sý aıdaý, topyraqpen toltyrý, uńǵymalardy toqtan ajyratý jáne germetızatsııalaý;
– eldi mekenderde sý tasqynyna qarsy jańa úıindilerdi salý jáne qoldanystaǵy úıindilerdi nyǵaıtý jumystaryn júrgizýge, bógetterdi kóterý jáne jóndeý jumystaryna kómek kórsetý.
