Qostanaılyqtarǵa bir rettik áleýmettik tólem berile bastady

ASTANA. KAZINFORM – Sý tasqynynan zardap shekken qostanaılyqtarǵa bir rettik áleýmettik tólem berile bastady. Bul týraly Qostanaı oblysy ákiminiń orynbasary Arman Ábenov aıtty. 

«Sý tasqyny jaǵdaıy turaqty monıtorıngte tur. «Qaratomar» sý qoımasynan sý aǵyzý sekýndyna 900 tekshe metrge deıin tómendetildi. Sondaı-aq sý aǵyny sekýndyna 1 382,5 tekshe metrge deıin azaıǵany baıqalady. Erigen qar sýy basqan aımaqtardan 9 099 adam evakýatsııalandy. Sonymen birge búginde Qostanaı oblysynyń ońtústiginde sý tasqynynan zardap shekken turǵyndar úılerine oralýda. Torǵaı aýylyndaǵy evakýatsııalyq pýnktterde turǵan barlyǵy 600-den astam aýyldaryna oraldy. Mundaǵy barlyq evakýatsııalyq pýnkt jabyldy», - dedi ol Ortalyq kommýnıkatsııalar qyzmetindegi brıfıngte.

Onyń dereginshe, sý tasqyny oryn alǵan sátten beri oblysta 850 myń tekshe metr sý soryldy. 98 myńnan astam qum salynǵan qap tóseldi. 7,5 myń tonnadan astam ınertti materıaldar salyndy. 423 tehnıka, 136 motopompa, 27 júzý quraly, 4 áýe kemesi jumyldyrylǵan. Halyq azyq-túlikpen, dárilik zattarmen tolyq qamtamasyz etilgen.

«Sý tasqynan zardap shekkenderdiń bárine kómek kórsetý jumys jalǵasyp jatyr. Birrettik áleýmettik tólem berý bastaldy. Sonymen qatar demeýshilik jáne gýmanıtarlyq kómekter kórsetilip jatyr. Búginde 686 otbasyǵa 126,6 mln teńge somasynda áleýmettik kómek tólendi», - dedi Arman Ábenov.