Sý tasqyny qaýpi bar aýdandarda 650 adam jumys istep jatyr – Ashat Shaharov
AQTÓBE. KAZINFORM – Aqtóbeniń Temir, Áıteke bı, Muǵaljar jáne Baıǵanın aýdandarynda qaýipti seıiltý, jol men aýyldy sýdan qorǵaý jumysy júrip jatyr. QR TJ vıtse-mınıstri Erlan Nurpeıisov Temir aýdanyndaǵy jedel shtabty basqardy. Búgin aýdanǵa oblys ákimi Ashat Shaharov bardy.
Aqtóbe oblysynyń ákimi Ashat Shaharov búgin óńirdegi ahýaldy jýrnalısterge aıtyp berdi. Qazirgi kezde Temir, Áıteke bı, Muǵaljar jáne Baıǵanın aýdandarynda sý bógeý, jolyn jyrý jumystary júrip jatyr.
«Aqtóbe jaǵdaı turaqty. Bári tikeleı óz baqylaýymda. Qazirgi tańda qaýpi bar tórt aýdannyń keıbir eldi mekenine sý kirdi. Onda barlyǵy 650 adam jumys istep jatyr. Qosymsha kúsh qajet bolsa, 3 myń adam daıyn tur. Temir aýdanyna baryp, qaraımyn. Mańǵystaýdan qutqarý jasaǵyn alý QR TJM sheshimi boldy», - dedi Aqtóbe oblysynyń ákimi Ashat Shaharov.
Onyń aıtýynsha, oblystaǵy sý tasqynynyń aldyn alý jumystaryn tolyq aıaqtaý úshin 11 mlrd teńge qajet. Byltyr quny 1,1 mlrd teńgeniń 17 jobasy qolǵa alynyp, jumys atqaryldy.
«Qazgıdromet úsh saǵat saıyn málimet berip otyrady. Soǵan baılanysty biz jospar quramyz. Al tórt aýyldaǵy jol qatynasyna keler bolsaq, sý deńgeıi túskende jóndeledi. Oǵan qajetti materıal men tehnıka bar. Shamamen 1 aptada qalpyna keltiriledi», - dedi Ashat Shaharov.
Eske salsaq, Aqtóbe oblysy Temir aýdanynda 5 úı men 25 aýlaǵa sý kirdi. Onda QR TJ vıtse-mınıstri Erlan Nurpeıisov keldi. Sonymen birge Mańǵystaýdan qosymsha kúsh jiberildi.
