Sý tasqyny: Esil ózeniniń arnasyna 1400 qap tóseldi

ASTANA. KAZINFORM – Aqmola oblysyndaǵy sý tasqynyna qarsy sharalar jalǵasyp jatyr.

Elordalyq qutqarýshylar sý tasqynynyń saldaryn barynsha azaıtýǵa jáne eldi mekenderdi qorǵaýǵa baǵyttalǵan jumystardy atqarýda.

- Qazirgi ýaqytta Jarqaıyń aýdanynyń Derjavınsk qalasynda Esil ózeniniń arnasy boıynsha bógetti nyǵaıtý jumystary júrgizilýde. Uzyndyǵy 200 metrge jýyq 1400 qap tóselgen, - dep jazdy TJM baspasóz qyzmetinen.

Qaptardy ınertti materıaldarmen toltyrý jáne tóseý jumystary jalǵasýda. Qutqarýshylar jaǵdaıdy turaqty baqylaýda ustap otyr.

Buǵan deıin Qaraǵandy oblysynda sý tasqynynyń aldyn alý úshin qandaı sharalar qolǵa alynǵanyn jazdyq.