Sý tasqyny bolǵan aımaqtardaǵy adamdardyń keshiktirilgen kredıtine ósimpul júre me

ASTANA. KAZINFORM - Sý tasqyny bolǵan aımaqtardaǵy adamdardyń keshiktirilgen kredıtine ósimpul júre me? Qarjy mınıstrliginiń baspasóz qyzmeti osy saýal mazalaǵan turǵyndarǵa jaýap berdi. 

"Búgingi kúni sý tasqynynan zardap shekken jáne respýblıkalyq bıýdjetten berilgen bıýdjettik kredıtterdi alǵan qaryz alýshylar nesıe berýshi tarapynan qoldaý sharalaryna senim arta alady.

Qazaqstan Respýblıkasynyń bıýdjet zańnamasyna sáıkes tótenshe jaǵdaı qoldanylatyn kezeńde qaryz alýshynyń bıýdjettik kredıt boıynsha bereshegi (merzimi ótken bereshegi) paıda bolǵan kezde kredıtordyń ósimpul esepteýi merzimi ótken bereshek paıda bolǵan kúnnen bastap kúntizbelik 90 kún ishinde júzege asyrylmaıdy.

Kredıttik sharttyń erejelerinde tótenshe sıpattaǵy oqıǵalar (mysaly, jer silkinisi, sý tasqyny jáne t.b.) nátıjesinde bıýdjettik kredıtterdi óteý men syıaqy tóleýdi keıinge qaldyrý jónindegi norma kózdelgen.

Bıýdjettik kredıtterdi óteý boıynsha mindettemelerdi oryndamaýdyń osyndaı táýekeli týyndaǵan jaǵdaıda qaryz alýshylar negizdemesin (TJ rejımindegi óńir ákiminiń qaýlysy jáne t.b.) qosa bere otyryp, jergilikti aýqymdaǵy TJ jarııalanǵan kúnnen bastap ósimpul esepteýdi toqtata turý týraly ótinish bere alady" delingen habarlamada.

Mundaı qadamdar qaryz alýshylarǵa tabıǵı apattardan týyndaıtyn qarjylyq qıyndyqtardy eńserýge jáne sý tasqynynan keltirilgen zalaldy qalpyna keltirýge kómektesedi.