Sý tasqyny: Batys Qazaqstan oblysynda tótenshe jaǵdaı jarııalandy
ORAL. KAZINFORM — Sý tasqynyna baılanysty Batys Qazaqstan oblysynda tótenshe jaǵdaı jarııalandy.
Ashyq NQA portalynda BQO ákimi Narıman Tóreǵalıevtiń Batys Qazaqstan oblysynyń aýmaǵynda tabıǵı sıpattaǵy tótenshe jaǵdaı jarııalaý týraly sheshimi shyqty.
Atalǵan sheshimge sáıkes oblys ákiminiń orynbasary Qalııar Aıtmuhambetov tabıǵı sıpattaǵy tótenshe jaǵdaıdy joıý basshysy bolyp taǵaıyndalyp, oǵan tabıǵı sıpattaǵy tótenshe jaǵdaıdy joıýǵa baǵyttalǵan is-sharalardy júrgizý tapsyryldy.
Sheshimniń oryndalý barysyn óńir basshysy baqylaıdy.
Budan buryn BQO-da Oral qalasy men Bórli, Terekti, Qaratóbe jáne Syrym aýdandarynda tótenshe jaǵdaı jarııalanǵan edi.
Eske sala keteıik, budan buryn BQO-da Elek ózeninde sý deńgeıi qaýipti deńgeıden asyp ketkenin jazǵan bolatynbyz.
Sondaı-aq BQO-da Podstepnyı aýylynda sý basqan úıler sany eseptelip jatyr.
