Sý tasqyny bastalǵaly 17,1 mln astam tekshe metr erigen qar sýy soryldy

ASTANA. KAZINFORM – Elimizde sý tasqyny bastalǵaly 17,1 mln astam tekshe metr erigen qar sýy soryldy.

Tótenshe jaǵdaılar mınıstrligi sý tasqyny jaǵdaıy boıynsha saǵat 12.30-daǵy aqparatty jarııalady.

Ondaǵy derekke qaraǵanda, respýblıka aýmaǵynda 51 111 adam óz úılerine oraldy.

«Sý tasqyny kezinde 10 013 jeke turǵyn úı men 3 215 aýla aýmaǵynan sýdyń baǵyty burylyp, soryldy. Sý tasqyny bastalǵaly beri 17,1 mln astam tekshe metr erigen qar sýy soryp shyǵaryldy, 7,7 mln qapshyq jáne 1,5 mln astam tonna ınertti materıal tóseldi», — dep jazylǵan aqparatta.