Sý tasqyny: Atyraý oblysynda taǵy bir joldy tasqyn sý basty
ATYRAÝ. KAZINFORM – Atyraý oblysynda Jem ózeniniń sýy «Qulsary-Muqyr» baǵytyndaǵy joldy shaıyp ketti.
«Jol aktıvteri sapasynyń ulttyq ortalyǵy» RMK Atyraý óńirlik fılıalynyń baspasóz qyzmetiniń aqparatyna qaraǵanda, tasqyn sý atalǵan joldy jyrǵan.
«Jylyoı aýdanynyń ortalyǵy – Qulsary qalasynan Qyzylqoǵa aýdanyndaǵy Muqyr aýylyna deıin qatynaıtyn joldyń uzyndyǵy – 136 shaqyrym. Jem ózeniniń arnasynan asqan sý atalǵan joldyń 135-shaqyrymyn shaıyp ketti», - dep habarlady fılıaldyń baspasóz qyzmeti.
Joldyń búlinýine baılanysty «Qulsary-Muqyr» baǵytyndaǵy joda kólik qatynasy toqtady.
Eske sala ketelik, budan buryn tasqyn sýdyń qaýpine baılanysty Jylyoı aýdanynda tótenshe jaǵdaı jarııalandy.
Kúndiz Qulsarydan Dossorǵa deıingi joldyń bir bóligin sý basty.
Búgin tasqyn sý Qulsary qalasyna kire bastaǵanyn habarlaǵan bolatynbyz.
