Sý tasqyny: Aqtóbeniń taǵy bir aýdanynda úı salý jumystary bastaldy
AQTÓBE. KAZINFORM – Temir aýdany Qumsaı aýylynda turǵyn úı qurylysy bastaldy. Aýdan boıynsha barlyǵy 22 úı jańadan salynady.
Temir aýdany Qumsaı aýylynda Temir ózeni arnasynan asyp, mundaǵy 44 úıge zaqym keldi. Qazirgi kezde turǵyndardyń kelisimimen 22 úı jańadan salynyp, 16 otbasy daıyn úı satyp alýǵa sheshim qabyldady. Taǵy 6 úıge jóndeý jumystary júrgiziledi, bul otbasylarǵa tıisti qarjy bólingen.
- Turǵyn úıler memleket bekitken birpáterli tıptik jobamen boı kóteredi. Aýmaǵy - 80 sharshy metr. Qazirgi tańda «Taf Company» jáne «MuǵaljarStroı» JShS-niń qurylysshylary aýylda úıdiń irgetasyn qalaýdan bastady. Qurylys jumystaryna turǵyndar da kómek qolyn sozýǵa nıet bildirip otyr,- dep habarlady Aqtóbe oblysy ákiminiń baspasóz qyzmeti.
Aıta keteıik, buǵan deıin Qobda, Áıteke bı, Oıyl, Muǵaljar aýdandarynda qurylys bastaldy.
Oǵan 36 qurylys kompanııasynyń jumysshy brıgadalary jumyldyrylǵan. Búgingi kúni 97 úıdiń qurylysy júrip jatyr. Al sý deńgeıi túspegen Yrǵyz aýdanynda jer ýchaskelerin zerdeleý jumysy júrgizilýde.
Jalpy oblysta 650-den astam otbasy jańa qonysqa kóshedi.
