Sý tasqyny: Aqtóbede shaǵyn jáne orta bıznes shyǵyny 3 mlrd teńgege jetti

AQTÓBE. KAZINFORM – Aqtóbe oblysy boıynsha sý tasqyny kezinde 170 shaǵyn jáne orta bıznes sýbektisine shyǵyn keldi. Aldyn ala esep boıynsha shyǵyn kólemi – 3 mlrd teńge.

Aqtóbe oblysy ákiminiń baspasóz qyzmetiniń habarlaýynsha, sý tasqynynan zardap shekken 170 shaǵyn jáne orta kásipkerlik sýbektisi bar. Oǵan qosa bıznestiń basqa salalarynda 79 sýbekti anyqtalǵan.

- Komıssııa Aqtóbe qalasy boıynsha 49 shaǵyn jáne orta bıznes nysanyn qarap shyqty. Aralap, tekserýden soń aldyn ala shyǵyn kólemi 1 mlrd teńgeden astam qarjyny quraıtyny belgili boldy. Onyń ishinde Almaty aýdany boıynsha 43 bıznes sýbektisi, Astana aýdanynda 6 sýbekt bar ekeni anyqtaldy. Bul sandar áli de ózgeredi. Sonymen qatar aýyl sharýashylyǵy salasyna jatatyn sýbektiler úshin jańa zańnamalyq qaǵıdalar bekitilip jatyr Shyǵyndardy óteý boıynsha sheshimdi oblys ákiminiń tapsyrmasymen qurylǵan Aımaqtyq komıssııa shyǵarady. Sý tasqyny kezinde bıznesi zardap shekken kásipkerler bıyl 30 qarashasyǵa deıin shyǵyndy ótep alý týraly ótinish bere alady, - dep habarlady Aqtóbe oblysy ákiminiń baspasóz qyzmeti.

Aıta keteıik, Aqtóbe oblysy Yrǵyz aýdanynda áli de tasqynǵa qarsy kúres jumysy jalǵasyp jatyr. Al ózge aýdandarda qaıta qalpyna keltirý, úı salý jumysy júrgizilýde.