Sý tasqyny: Aqtóbede mal shyǵynyn óteýge 1 mlrd teńgeden astam qarjy jumsaldy

AQTÓBE. KAZINFORM — Bıyl sý tasqyny kezinde 11 myńnan astam mal shyǵyny boldy. Ótemaqyǵa 1 mlrd teńgeden astam qarjy bólindi.

Aqtóbe oblysynda sharýalardyń jáne turǵyndardyń mal shyǵyny óteldi. Oǵan bıýdjetten 1,1 mlrd teńge, qor esebinen 562 mln teńge qarjy bólindi. Sonymen birge qoǵamdyq qor qarjysy da jumsaldy.

— Shyǵyndy óteý jumysy 2025 jyldary da jalǵasady. Qazirgi kezde mal satyp alý jumysy júrip jatyr. Negizi 11 myń bas óńirdegi mal basynyń kóbeıýine keri áserin tıgizbedi. Osy jyly mal basy 6%-dan 20%-ǵa deıin ósti, — dedi Aqtóbe oblystyq aýyl sharýashylyǵy basqarasynyń bólim basshysy Panabek Bımuratov.

Aqtóbe oblystyq kásipkerlik basqarmasynyń habarlaýynsha, Aqtóbede sharýalardyń úıi men qorasyn qalpyna keltirý úshin múlik shyǵyny eseptelip, komıssııada qaraldy. Alaıdy shyǵyn tek 2025 jyldyń birinshi toqsanynda óteledi.

Buǵan deıin habarlaǵanymyzdaı, Aqtóbede kásipkerler shyǵyny óteldi.