Sý tasqyny: Aqtóbede 44 kásipkerdiń shyǵyny óteldi

AQTÓBE. KAZINFORM – Aqtóbe oblysynda 44 kásipkerdiń shyǵyny óteldi. Olardyń 31-i aqshasyn alyp úlgerdi. 

Aqtóbe oblysynda sý tasqynynan zardap shekken shaǵyn jáne orta bıznes ókilderine shyǵyndy óteý jumysy jalǵasyp jatyr. Búginde óńirlik komıssııa 44 kásipkerlik sýbektisiniń shyǵynyn óteý týraly sheshimdi maquldady. Olardyń shyǵyny – 549,2 mln teńge. 

– Sonyń ishinde qazirgi ýaqytta 31 kásipkerlik sýbektisine 404,6 mln teńge kóleminde qarjylyq kómek kórsetildi. Qalǵan 13 kásipkerge tólemder jaqyn arada júrgiziletin bolady. Jalpy bul maqsattarǵa respýblıkalyq bıýdjetten 733,5 mln. teńge bólindi, - dep habarlady Aqtóbe oblysy ákiminiń baspasóz qyzmeti.

Eske salsaq, sý tasqyny kezinde Aqtóbe oblysynda 3 myńnan astam úıge sý kirdi. Onyń 1020-sy jaramsyz dep tanyldy. Teń jartysy ekinshi naryqtan úı satyp alsa, qalǵany jańa qurylysty kútti. Úı qurylysy qazir Yrǵyzdyń Nura, Mamyr, Oıyldyń Qaratal aýyldarynda jalǵasyp jatyr.