Sý tasqyny: 6 oblystyń respýblıkalyq mańyzy bar 13 jolynda qozǵalys shekteldi

ALMATY. KAZINFORM – 2024 jylǵy 12 sáýir saǵat 09:00 jaǵdaı boıynsha halyqaralyq jáne respýblıkalyq mańyzy bar avtomobıl joldarynda kúnniń jylynýy men qardyń tez erýi saldarynan 4 oblysta (Aqmola, SQO, Atyraý, Qostanaı) 7 jol júrý ýchaskesinde jalpy uzyndyǵy 8695 metr bolatyn sý tasqyny oryn aldy.

Bul týraly «QazAvtoJol» UK» AQ baspasóz qyzmeti habarlady.

Baspasóz qyzmetiniń málimetterine qaraǵanda, 6 oblystaǵy (Aqtóbe, Aqmola, Atyraý, Qostanaı, Mańǵystaý, SQO) respýblıkalyq mańyzy bar 13 avtomobıl jolynda (uzyndyǵy 618 km) qozǵalysqa shekteý qoıyldy.

«Qazirgi tańda respýblıkalyq joldarda 450 tehnıka men 853 adam jumyldyrylǵan»,-delingen habarlamada.