Sý tasqyny: 38 859 adam úıine oraldy
ASTANA. KAZINFORM – Elimizde tasqyn sýdyń aldyn alý men saldaryn joıý jumystary jalǵasýda.
«Respýblıka boıynsha 7 048 jeke turǵyn úı men 2 834 aýla aýmaǵynan sýdyń baǵyty burylyp, sý soryldy, 38 859 adam úılerine oraldy. 6 707 adam evakýatsııalaý pýnktterin panalaýda. Evakýatsııalyq pýnktterde Tótenshe jaǵdaılar departamentteriniń, TJM Apatar medıtsınasy ortalyǵynyń psıhologtary men medıtsınalyq qyzmetkerleri turǵyndarǵa keńes, qoldaý kórsetip jatyr», - dedi TJM resmı ókili Asqar Shárip Ortalyq kommýnıkatsııalar qyzmeti alańynda ótken baspasóz máslıhatynda.
Onyń aıtýynsha, Atyraý, Aqtóbe, Batys Qazaqstan, Soltústik Qazaqstan oblystarynda sý tasqynyna qarsy is-sharalar, sý tasqyny saldaryn joıý jáne halyqqa kómek kórsetý jumystary jalǵasyp jatyr.
«Avarııalyq-qutqarý jáne sý tasqynyna qarsy jumystarǵa 19 myńnan astam adam, 2 694 tehnıka, 327 sý sorý quraly jáne 231 júzý quraly jáne 7 áýe kemesi jumyldyryldy», - deıdi mınıstrliktiń resmı ókili.
