Sý tasqyny: 100-den astam sarbaz SQO-daǵy bógetti bekitip jatyr
ASTANA. KAZINFORM – Soltústik Qazaqstan oblysyndaǵy Qyzyljar aýdanyna qarasty Bolshaıa Malyshka aýyly mańynda Esil ózeniniń sý deńgeıiniń kóterilýine baılanysty turǵyzylǵan bógetke zaqym keldi.
Tańerteńnen bastap ІІM Ulttyq ulanynyń 6637 áskerı bóliminiń kúshteri apat saldaryn joıý jumystaryna tartyldy.
100-den astam áskerı qyzmetker Tótenshe jaǵdaılar departamentiniń mamandarymen birlese otyryp, bógetti bekitip jatyr.
Tabıǵı apattyń aldyn alý úshin 500-den astam ınertti materıal salynǵan qap daıyndaldy.
Olar jaıylǵan sýdy bógeý úshin qoldanylyp jatyr.
Aıta ketý kerek, bul ýchaskede áskerı qyzmetshiler táýlik boıy jumys istep jatyr. Ulandyqtar jaǵdaıdyń ózgerýine baılanysty shuǵyl áreket etip, eldi meken men jergilikti turǵyndardyń múlkin qorǵaý sharalaryn qabyldaýda.
Aıta ketelik SQO-da Teplıchnoe eldi mekeni mańynda myńnan asa adam túni boıy jumys istedi.