Sý tasyǵan óńirlerde kókónistiń shirip jatqany ras pa

ASTANA. KAZINFORM – Qoımalarda kókónis shirip jatyr degen aqparǵa qatysty Aýyl sharýashylyǵy mınıstri Aıdarbek Saparov pikir bildirdi.

Búgin Úkimet otyrysynan keıin ótken baspasóz máslıhatynda mınıstrge «Sý basqan óńirlerde qoımalardaǵy kókónis shirip jatyr degen aqparat bar. Siz bul aqparatty rastaısyz ba?» - degen suraq qoıyldy.

«Sý tasyǵan óńirler boıynsha biz kúndelikti aqpar jınaımyz. Oǵan sáıkes Aýyl sharýashylyǵy mınıstrligine kókónis qoımalary boıynsha derekter túsken joq. Búgin, erteń qosymsha aqparat tússe, onyń anyǵyn aıtamyz», - dep jaýap berdi Aıdarbek Saparov.

Sondaı-aq mınıstrge «Azyq-túlik baǵasyn qadaǵalaısyz ba?» degen saýal qoıyldy.

«Ortasha eseppen baǵa 0,3-0,5 paıyzǵa ósti. Azyq-túlik baǵasyna sý tasqyny áser etken joq deýge bolady», - dep tolyqtyrdy vedomstvo basshysy.

Buǵan deıin A.Saparov tasqyn sýdan qyrylǵan qujatsyz mal shyǵyny qalaı óteletini týraly aıtqan edi. 

Sonymen qatar mınıstr elimizdegi qant qoryna qatysty pikir bildirdi.

Odan bólek, Aıdarbek Saparov bıyl shegirtkemen kúreske 8,1 mlrd teńge bólingenin jarııa etti.