Sý tapshylyǵynan zardap shekken egis alqaptaryna baılanysty nan qymbattaýy múmkin be

ASTANA. QazAqparat – Sý tapshylyǵynan zardap shekken egis alqaptaryna baılanysty nan qymbattaýy múmkin be? Bul suraqqa Úkimet otyrysynan keıin Aýyl sharýashylyǵy mınıstri Erbol Qarashókeev jaýap berdi, dep habarlaıdy QazAqparat tilshisi.

«Dán, dándi-burshaqty daqyldar, ónimder baǵasynyń ósýi baıqalmaıdy. Sol sebepti bizdiń josparymyzǵa saı, nan men unnyń quny turaqty bolady. Azyq-túlik korporatsııasynyń qorynda bıdaı jetkilikti. Ózimizdiń ishki naryq tutynýshylarynyń suranysyn tolyq qamtamasyz etemiz», - dep jaýap berdi Erbol Qarashókeev BAQ ókilderiniń saýalyna oraı.

Sonymen qatar mınıstr elimizde eki jyl qatarynan nan baǵasy arzandap jatqanyn atap ótti. Sondyqtan bıyl da onyń qunyn kóterý josparlanyp otyrǵan joq.